Amato 29:4 - Mbeti ti Nzapa - Tënë so amu fini

⁴ Gbia so asara ye na lege ti mbirimbiri, ye ayeke ga nzoni na ya ti kodro; me lo so lo hunda lapo ahon ndoni, lo yeke buba kodro.

Amato 29:4 ပူးပေါင်းရင်းမြစ်များ

2 Samuel 8:15

David ale-gbia na ndö ti azo ti Israel kue; lo fâ ngbanga ti azo ti lo kue na legeni mbirimbiri.

1 Agbia 2:12

Salomon aduti na ndö ti mbata ti gbia na peko ti babâ ti lo David. Komandema ti lo akpengba.

2 Mbai 9:8

Singila na KOTA GBIA, Nzapa ti mo so asara nzoni be na mo si lo soro mo titene mo le-gbia na iri ti lo na ndö ti Israel! Nzapa ti mo aye azo ti Israel, lo ye si ala ngba kpu na kpu, nilaa lo zia mo gbia na ndö ti ala titene mo fâ ngbanga mbirimbiri si mo sara ye na lege ti ndia.”

Mbeti ti Job 11:6

Tongana lo fa fade na mo nda ti ndara ti lo, ndara ti lo so ahon hingango ndo ti zo, ka mo hinga, mo tene, be ti Nzapa agirisa mbage ti sioni ti mo.

Abia (Psaumes) 89:14

Maboko ti mo ayeke ngangu mingi, mo yeke ngangu, mo yo maboko ti mo ti koli na nduzu!

Abia (Psaumes) 99:4

Ayeke nzoni azo agonda ngangu ti mo gbia, mo so mo ye fango ngbanga na legeni. Mo laa mo zia na sese atënë ti ndia. Mo laa mo zia na azo ti Israel tënë ti fango ngbanga na legeni na sarango ye ti mbirimbiri.

Amato 14:34

Sarango ye ti mbirimbiri amu iri ti kodro na nduzu; me siokpari ayeke ye ti kamene ndali ti amara.

Amato 16:10

Gbia ayeke tene tënë na lege ti ngangu so a mu na lo. Tongana lo yeke fâ ya ti ngbanga, lo yeke mu mbage ti zo pepe.

Amato 16:12

Be ti agbia ake mingi tënë ti sarango ye ti sioni, ngbanga ti so sarango ye ti mbirimbiri laa ayeke sara si mbata ti ala aluti mbirimbiri.

Amato 20:8

Tongana gbia aduti ti fâ ngbanga si mbeni ye ti sioni ayeke daa, fafade le ti lo ayeke ti na ndö ni.

Amato 29:14

Gbia so ayeke fâ ngbanga ti azo ti mawa na legeni, fade lengo-gbia ti lo ayeke luti ngangu lakue.

Amato 8:15

Mbi laa mbi yeke mu lege na agbia ti le-gbia nga na akota zo ti kodro ti leke andia mbirimbiri.

Ésaïe 49:8

Tënë so KOTA GBIA atene ayeke so: “Na ndembe so alingbi, mbi kiri tënë na mo; na lango ti songo azo na kuâ, mbi mu na mo maboko. Mbi bata mo titene na lege ti mo, mbi na azo, e ga *ambuki. Mbi yeke yo kodro ti Israel na nduzu, mbi yeke kiri ti kangbi na azo sese so lani ayeke ti ala si abuba so.

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Daniel 11:20

Zo so ayeke ga gbia na peko ti lo ayeke tokua ande mbeni zo ti nzi aye ti pendere da ti kodro ni. Me lango kete na pekoni, a yeke fâ fini gbia ni; a yeke fâ lo na ngonzo pepe wala na ya ti bira pepe.’ ”

Mishe 7:3

Maboko ti ala ayapu na sarango sioni ye. Titene amakonzi asara nzoni ye, ala yeke hunda titene a mu na ala ye si; awafango-ngbanga ayeke hunda goro. Akota zo ayeke tene gi tënë ti nzara ti warango aye so ahon ndö ti ala si ala kue ayeke ma tere ti sara gi aye ni so.

1 Samuel 13:13

Samuel atene na Saul: “Mo sara ye tongana zo so li ti lo ayeke daa pepe. Tënë so KOTA GBIA, Nzapa ti mo atene na mo so, mo sara ye alingbi na ni pepe. Tongana mo sara fade ye alingbi na ni, ka lo zia mo, na *ahale ti mo ti duti gbia na ndö ti azo ti Israel kpu na kpu.