Amato 29:3 - Mbeti ti Nzapa - Tënë so amu fini

³ Zo so aye tënë ti ndara, lo yeke zia ngia na be ti babâ ti lo; me zo so ayeke fono na awali-ndumba, lo yeke buba nginza ti lo kue.

Amato 29:3 ပူးပေါင်းရင်းမြစ်များ

Amato 10:1

*Amato ti Salomon. Molenge ti ndara ayeke mu ngia na babâ ti lo; me molenge ti buba ayeke zia vundu na be ti mama ti lo.

Amato 15:20

Molenge ti ndara ayeke mu ngia na babâ ti lo; me zo ti buba abaa mama ti lo tongana mbumbuse zo.

Amato 21:17

Zo so aye ti sara matanga mingi, fade aye mingi ayeke tia lo; zo so aye gi samba na apendere kobe, lo yeke ga zo ti mosoro laoko pepe.

Amato 21:20

Na da ti zo ti ndara, gba ti anzoni ye na apendere kobe ayeke daa; me zo ti buba abuba ti lo aye ni kue.

Amato 23:15

Molenge ti mbi, tongana mo ga zo ti ndara, fade be ti mbi ayeke duti na ngia.

Amato 27:11

Molenge ti mbi, mo duti na ndara si fade be ti mbi aduti na ngia. Tongana mbeni zo akasa mbi, fade mbi yeke wara lege ti kiri tënë na lo.

Amato 28:19

Zo so ayeke fâ yaka, fade lo yeke na gba ti kobe; me zo so ayeke tumba peko ti asenge senge ye, yere ayeke hon ndö ti lo.

Amato 28:7

Molenge so ayeke sara ye alingbi na Ndia, lo yeke zo ti hingango ye; me lo so lo yeke mu peko ti azo ti sarango ye ti kamene, lo yeke zia kamene na le ti babâ ti lo.

Amato 6:26

Biani, ti wali-ndumba, kete nginza alingbi lo awe; me wali ti mbeni koli nde ayeke mu fini ti mo kue.

Nzoni Tënë so Luc asu na mbeti 15:13

Lango kete na pekoni, ngambe ni aka aye ti lo kue si lo mu lege, lo gue na mbeni kodro yongoro. Kâ, lo buba aye ti lo kue na sarango aye ti kirikiri.

Nzoni Tënë so Luc asu na mbeti 15:30

Me molenge ti mo so kâ abuba aye ti mo kue na awali-ndumba! Fadeso lo ga si mo fâ bagara ti mafuta ndali ti lo!’