Amato 29:2 - Mbeti ti Nzapa - Tënë so amu fini

² Tongana azo ti mbirimbiri awu mingi, azo ti kodro ayeke na ngia; me tongana zo ti sioni laa ayeke na ndö ti mbata ti gbia, azo ayeke dema.

Amato 29:2 ပူးပေါင်းရင်းမြစ်များ

Esther 3:15

Gi so gbia amu yanga awe, azo ti tokua ni asigigi na kota loro si ala gue na ambeti ni. Azo atambula na ya ti kota kodro ti Suze kue ti fa na azo tënë ti ndia so. Tongaso gbia na Haman aduti ti nyon ye. Me li ti azo ti gbata ti Suze kue aga kirikiri.

Esther 8:15

Mardochée asigigi na yangbo ti gbia; lo yu bongo ti gbia so nzoroko ni akpa ngu ti karakanzi si mbeni avuru vurungo. Lo yu nga mbeni kota bongo so abe bengo si lo zia na li ti lo kpoto ti gbia so a sara na lôro. Be ti azo ti gbata ti Suze kue asi na kota ngia si ala yeke dekongo na ngia.

Mbeti ti Job 34:30

Lo ye titene zo ti sioni ale-gbia pepe, zo aleke kuku pepe titene azo ti kodro ati daa.

Amato 11:10

Tongana ye ti azo ti mbirimbiri aga nzoni, azo ti gbata ni ayeke na ngia; tongana azo ti sioni akui, azo ti gbata ni ayeke dekongo na ngia.

Amato 28:12

Tongana azo ti mbirimbiri abaa nzoni, kota ngia ayeke daa; me tongana azo ti sioni asi na kota ndo, azo kue ayeke honde tere ti ala.

Amato 28:15

Sioni makonzi so asara ngangu na azo ti kodro so ayeke na ya ti mawa, lo yeke tongana bamara so atoto, wala tongana sioni nyama so ahuru ti gbu nyama.

Amato 28:28

Tongana azo ti sioni asi na kota ndo, azo kue ayeke honde tere ti ala. Tongana azo ti sioni ni akui, azo ti mbirimbiri ayeke ga gbani gbani.

Zo ti bongbingo azo 10:5

Mbeni sioni ye so mbi baa na ndö ti sese so ayeke so: makonzi alingbi ti girisa tere ti lo, lo sara mbeni ye nde;

Zo ti bongbingo azo 10:6

lo mu azo ti buba na nduzu mingi si akota zo aduti na gbeni.

Zo ti bongbingo azo 4:1

Mbi kiri mbi baa ye ti ngangu so azo ayeke sara na amba ti ala na ndö ti sese so. A yeke sara ngangu na azo; me mbeni zo ti de be ti ala ayeke daa pepe. Azo so ayeke sara ngangu na amba ti ala laa ayeke na komandema; mbeni zo ti de be ti azo so a yeke sara ngangu na ala so ayeke daa pepe.

Matthieu 2:16

So Herode ahinga atene, azo ti gingo nda ti atongoro ahanda lo awe, ngonzo agbu lo ngangu mingi. Lo mu yanga titene a fâ akete molenge-koli kue ti gbata ti Betlehem na ti akodro so ayeke nduru na tere ni. A fâ amolenge so ngu ti ala ayeke use na ala so ade awara ngu use pepe. Herode asara ye ni alingbi na tënë so azo ti gingo nda ti atongoro atene na lo na ndö ti lango ti sigingo ti tongoro ni.

Matthieu 2:3

So gbia Herode ama tënë so, li ti lo aga kirikiri, lo na azo ti Jérusalem kue.

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”