Amato 28:8 - Mbeti ti Nzapa - Tënë so amu fini

⁸ Mbeni zo aye ti ga zo ti mosoro; lo yeke sara boon ti nginza na azo titene azo ni azia gba ti nginza na ndö ni si akiri na ni na lo. Me fade mosoro ni so ayeke gue na maboko ti zo so ayeke baa mawa ti awayere.

Amato 28:8 ပူးပေါင်းရင်းမြစ်များ

2 Samuel 12:6

So lo baa mawa ti mba ti lo pepe so, ayeke nzoni lo futa ataba osio na mba ti lo ni.”

Abia (Psaumes) 72:13

Zo so ayeke na ngangu pepe nga na zo so ye atia lo, fade gbia ni ayeke baa mawa ti ala si lo yeke soo fini ti ala.

Sigingo 22:25

“Tongana ala mu kota bongo ti de ti mba ti ala ndali ti mbeni ye ti ala so ayeke na maboko ti lo, alingbi ala kiri na lo bongo ni kozoni si lâ akui.

Amato 13:22

Zo ti nzoni ayeke zia anzoni ye na peko ti kuâ ti lo na *ahale ti lo; me mosoro ti zo ti siokpari ayeke ngba ndali ti azo ti mbirimbiri.

Amato 14:21

Zo so abaa mba ti lo tongana mbumbuse zo, andaa lo sara siokpari; me ti lo nzoni, zo so ayeke baa mawa ti awayere!

Amato 14:31

Zo so asara ngangu na wayere, lo zonga Nzapa so asara lo; me zo so abaa mawa ti zo ti mawa, andaa lo ne Nzapa.

Amato 19:7

A-ita ti wayere kue ayeke ke lo; ti akamarade ti lo, ye ni ahon ndoni: ala yeke kpe lo kpengo. Tongana lo ye ti tene tënë na ala, andaa peko ti ala ayo awe.

Zo ti bongbingo azo 2:26

Nilaa, zo so ayeke nzoni na le ti Nzapa, Nzapa ayeke mu na lo ndara, hingango ndo na ngia. Me ti zo ti siokpari, Nzapa ayeke mu na lo kua ti bongbingo ye ndali ti zo so ayeke nzoni na le ti lo. Ye so nga ayeke gi senge senge si ayeke tumbango peko ti pupu senge.

Ezekiel 18:13

Tongana lo sara boon ti nginza na mbeni zo, lo yeke hunda gba ti nginza na ndö ni, lo yeke gi ti wara mbeni ye na peko ni. Mara ti molenge tongaso ayeke ngba na fini? Oko pepe! So lo sara aye so kue zo alingbi ti baa na le ti lo fani use pepe so, fade lo yeke kui si ngbanga ti mene ti lo ayeke kiri na li ti lo wani.

Ezekiel 18:17

Lo yeke yoro tere ti lo na ya ti ye ti kirikiri pepe. Tongana lo sara boon ti nginza na mbeni zo, lo yeke hunda mbeni nginza na ndö ni pepe, lo yeke gi ti wara ye na peko ni pepe. Lo yeke sara ye alingbi na aye so mbi fa si lo yeke tambula alingbi na atënë ti ndia ti mbi. Molenge-koli so ayeke kui ndali ti asiokpari ti babâ ti lo pepe; biani, lo yeke ngba na fini.

Ezekiel 18:8

Tongana lo sara boon ti nginza na mbeni zo, lo yeke hunda mbeni nginza na ndö ni pepe, lo yeke gi ti wara ye na peko ni pepe; lo yeke yoro tere ti lo na ya ti ye ti kirikiri pepe, lo yeke fâ ya ti ngbanga na legeni.

Awayango-sandaga 25:36

Ala hunda na lo ti zia mbeni ye na ndö ti yongo ni ti kiri na ni na ala pepe. Tongaso laa ala yeke fa atene, ala yeke kpe mbeto ti mbi Nzapa ti ala; tongaso si mba ti ala ni angba ti duti na tere ti ala.