Amato 28:5 - Mbeti ti Nzapa - Tënë so amu fini

⁵ Azo ti sioni ahinga nda ti sarango ye ti mbirimbiri oko pepe; me azo so ayeke gi KOTA GBIA, ala hinga nda ni kue.

Amato 28:5 ပူးပေါင်းရင်းမြစ်များ

Abia (Psaumes) 119:100

Mbi hinga nda ti aye mbi hon akangba kue, ngbanga ti so mbi sara ye alingbi na andia ti mo.

Abia (Psaumes) 119:98

Atënë ti ndia ti mo asara si mbi yeke na ndara mbi hon awato ti mbi, atënë ti ndia ni aga ye ti mbi kpu na kpu.

Abia (Psaumes) 25:14

KOTA GBIA ayeke fa tënë ti be ti lo na azo so ayeke kpe mbeto ti lo; lo yeke fa nga na ala tënë ti mbuki ti lo.

Abia (Psaumes) 92:6

KOTA GBIA, aye so mo sara ayeke kota mingi! Atënë ti be ti mo ali mingi!

Amato 15:24

Zo ti ndara ayeke mu lege so ague na nduzu ti duti na fini; lo yeke kpe lege so azu na gbeni, na ndo ti akuâ.

Amato 2:9

Molenge ti mbi, tongana mo ma mbi, fade mo yeke hinga, mo tene, sarango ye ti mbirimbiri, sarango ye na lege ti ndia na sarango ye na legeni ayeke sara si zo abaa nzoni daa.

Amato 24:7

Ayeke ngangu na zo ti buba ti ma ya ti atënë ti ndara. Na ndo so azo ayeke leke ka atënë daa, alingbi lo zi yanga oko pepe!

Ésaïe 1:3

Bagara ahinga wa ti lo; lele ahinga ndo so wa ti lo ayeke mu na lo kobe ti tengo ni daa. Me azo ti Israel ahinga ndo pepe, li ti azo ti mbi ayeke daa pepe.”

Ésaïe 44:18

Azo ni so ahinga ye oko pepe, ala hinga ndo oko pepe. Biani, le ti ala na gbungo-li ti ala akanga awe, ala lingbi ti baa ndo pepe, ala lingbi ti hinga nda ti ye pepe.

Ésaïe 6:9

Lo tene na mbi: “Gue mo tene na azo so, mo tene: ‘Ala yeke ma ndo nzoni, me ala yeke ma ya ti tënë ni pepe; ala yeke baa ndo nzoni, me ala yeke baa ye oko pepe.’

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

Amos 3:10

“Azo ti Samarii ahinga ti sara ye ti mbirimbiri oko pepe. Ala bongbi na ya ti ayangbo ti ala aye so ala mu na maboko ti azo na ngangu nga na aye so ala nzi nzingo”; so tënë ti yanga ti *KOTA GBIA laa.

Jean 7:17

Zo so aye ti sara ye so be ti Nzapa aye, fade lo yeke hinga atene, ye so mbi yeke fa alondo na Nzapa wala mbi yeke tene gi tënë so alondo na mbi wani.

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.

1 Jean 2:20

Ti ala, a-ita, ala wara Yingo-Vuru so Christ amu na ala si ala kue ahinga taa-tënë awe.

1 Jean 2:27

Me ti ala, a-ita, Yingo so Christ amu na ala angba na ya ti ala. Akpa titene mbeni zo akiri afa ye fango na ala pepe, ngbanga ti so Yingo ni ayeke fa na ala ye kue: ye so lo yeke fa ayeke taa-tënë, lo yeke tene mvene pepe. Ndani laa, ayeke nzoni ala ngba ti duti oko na Christ tongana ti so Yingo afa na ala.