Amato 28:4 - Mbeti ti Nzapa - Tënë so amu fini

⁴ Azo so azia lege ti *Ndia, ala yeke gonda azo ti sioni; me azo so abata lege ti Ndia, ala yeke kanga lege na azo ti sioni ni.

Amato 28:4 ပူးပေါင်းရင်းမြစ်များ

1 Agbia 18:18

Élie akiri tënë: “Mbi laa mbi ga na kpale na ndö ti Israel pepe; me mo na azo ti sewa ti mo. Biani, ala ke ti sara ye alingbi na andia ti *KOTA GBIA si ala gue ti voro anzapa *Baal.

1 Agbia 18:21

Élie ague nduru na azo ni kue si lo tene: “Lawa laa ala yeke zia ti gue mbage na mbage so? Tongana *KOTA GBIA laa ayeke Nzapa, ala mu peko ti lo. Tongana ayeke *Baal, ala mu peko ti lo.” Me mbeni zo na popo ti ala akiri tënë oko pepe.

Néhémie 13:15

Na ngoi ni so, mbi baa so na sese ti Juda, ambeni zo ayeke pete ale ti *vinye na ya ti du so a leke ti pete ale ti vinye daa; ala yeke pete ale ti vinye ni na *lango ti wungo tere. Ambeni akanga gba ti ale ti kobe na ndö ti alele, vin, ale ti vinye, fige na ambeni ye nde nde si ala yeke gue na ni na Jérusalem na lango ti wungo tere. Mbi gboto mê ti ala na lango so ala yeke ka akungba ti ala ni.

Néhémie 13:28

Mbeni molenge oko ti Yoyada, tara ti kota wayango-sandaga Eliashib amu molenge ti Sanebalat, zo ti gbata ti Horon, ti ga wali ti lo. Ndani laa, mbi tumba lo ti londo na Jérusalem.

Abia (Psaumes) 10:3

Zo ti sioni ni apika kate ti lo ndali ti aye so nzara ni ayeke na be ti lo; so lo wara aye ni awe, lo zonga KOTA GBIA, lo he lo na ngia.

Abia (Psaumes) 49:18

ngbanga ti so na lango ti kuâ ti lo, lo yeke gue na ye oko pepe, anzoni ye ti lo ayeke mu nga peko ti lo oko pepe.

Jérémie 5:30

Mbeni ye ti sioni mingi na kota ye ti buba asi na ya ti kodro so awe:

Matthieu 14:4

Lo kanga lo, ngbanga ti so Jean atene lani na lo, atene: “*Ndia amu lege na mo pepe titene mo mu Herodiade ti ga wali ti mo!”

Matthieu 3:15

Me Jésus akiri tënë na lo: “Ti fadeso, ayeke nzoni e sara tongaso si e lingbi ti sara ye so kue ayeke mbirimbiri na le ti Nzapa.” Tongaso Jean ayeda.

Matthieu 3:7

So Jean abaa gba ti *afarizien na *asadusien ayeke ga na tere ti lo titene ala wara bateme, lo tene na ala: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Awatokua 12:22

Azo ni adekongo, atene: “Zo laa ayeke tene tënë so pepe, mbeni nzapa laa!”

Awatokua 15:2

Paul na Barnabas ake tënë ti azo ni si papa alondo na popo ti ala ngangu mingi. Tongaso azo ti *Eglize ni abaa so, ayeke nzoni titene Paul na Barnabas na ambeni zo ague na Jérusalem ti baa *awatokua na *akangba ndali ti tënë ni.

Awatokua 19:9

Me ambeni akpengba be ti ala si ala ke ti yeda na tënë ni. Na le ti azo kue, ala tene asioni tënë na ndö ti lege ti Kota Gbia. Paul akangbi na ala, lo mu adisiple si ala sigigi; na ya ti lango oko oko, lo yeke tene tënë na ala na ya ti da-mbeti ti Tiranos.

Rome 1:32

Ala hinga tënë ti fango ngbanga ti Nzapa nzoni: azo so asara aye tongaso, ala lingbi na kuâ. Ataa so kue, ala ngba ti sara aye ti sioni so si na ndö ni kue, ala yeke yeda na azo so ayeke sara ni.

Efeze 5:11

Aye so azo ayeke sara na ya ti vukongo ndo ayeke sara nzoni na zo oko pepe. Ala azo ti Nzapa, ala yoro tere ti ala na ya ni pepe, me ala sigigi na nda ti aye ni.

1 Tesalonike 2:2

Ala hinga nga atene, kozoni na gbata ti Filipe, azo azonga e si e baa pasi. Me na ya ti aye ti ngangu mingi, Nzapa amu ngangu na be ti e ti fa Nzoni Tënë ti lo na ala, azo ti Tesalonike.

1 Jean 4:5

Azo ni ayeke azo ti dunia so. Ndani laa ala yeke tene tënë tongana azo ti dunia so si azo ti dunia ni ayeke ma ala.

Jude 1:3

A-ita ti mbi so mbi ye ala mingi, mbi ye fade mingi ti su mbeti na ala na ndö ti tënë ti songo so Nzapa asoo e na ala kue so. Me mbeni ye apusu mbi ti su mbeti so ti mu ngangu na be ti ala titene ala tiri bira ti bata mabe so Nzapa amu na azo ti lo fani oko biani biani.