Amato 28:16 - Mbeti ti Nzapa - Tënë so amu fini

¹⁶ Makonzi so ahinga ndo pepe, kua ti lo gi ti mu ye ti azo na ngangu. Me zo so be ti lo ake tënë ti warango ye na lege ti nzi, fade gigi ti lo ague, ayo.

Amato 28:16 ပူးပေါင်းရင်းမြစ်များ

1 Agbia 12:10

Amaseka so lo na ala akono legeoko so atene na lo: “Azo so atene, babâ ti mo azia nengo kungba na ndö ti go ti ala si ala hunda na mo ti zi mbage ni na ndö ti ala so, tënë so mo yeke tene na ala ayeke so: ‘Kete li ti maboko ti mbi so akono ahon ngbonda ti babâ ti mbi.

1 Agbia 12:14

Lo kiri tënë na azo ni alingbi na wango so amaseka amu na lo, lo tene: “Babâ ti mbi azia lani nengo kungba na ndö ti go ti ala. Ti mbi, fade mbi yeke zia na ndö ti go ti ala kungba so ane ahon ndoni. Babâ ti mbi apika ala lani na zaza. Ti mbi, fade mbi yeke pika ala na fimbo so wen ayeke na yanga ni.”

Néhémie 5:15

Agovoronere so ayeke lani kozoni na mbi ayeke zia anengo kungba na ndö ti azo. Ala yeke hunda gi kobe na vin na maboko ti azo ni pepe, me ala yeke hunda nga titene azo ni azia ale ti nginza baleosio na ndö ni. Ataa azo ti kua ti agovoronere ni asara ngangu mingi na azo ni. Me mbi, mbi sara tongaso pepe, ngbanga ti so mbi kpe mbeto ti Nzapa.

Sigingo 18:21

Fade mo yeke soro nga na popo ti azo ni ambeni zo so alingbi, ala so ayeke kpe mbeto ti Nzapa, ala so azo ane ala, ala so ake tënë ti goro, mo zia ala tongana amakonzi. Mo zia ambeni na ndö ti azo saki oko, ambeni na ndö ti azo ngbangbo oko, ambeni na ndö ti azo baleoku si ambeni na ndö ti azo baleoko.

Amato 15:27

Zo so ayeke wara mosoro na legeni pepe, lo yeke ga na kpale na ya ti sewa ti lo. Me zo so ake tënë ti petengo goro, lo yeke ngba na fini.

Zo ti bongbingo azo 10:16

Mawa na kodro so gbia ni ade molenge si amakonzi ti kodro ni amu ngoi ti ala kue gi ti tengo kobe!

Zo ti bongbingo azo 4:1

Mbi kiri mbi baa ye ti ngangu so azo ayeke sara na amba ti ala na ndö ti sese so. A yeke sara ngangu na azo; me mbeni zo ti de be ti ala ayeke daa pepe. Azo so ayeke sara ngangu na amba ti ala laa ayeke na komandema; mbeni zo ti de be ti azo so a yeke sara ngangu na ala so ayeke daa pepe.

Ésaïe 3:12

KOTA GBIA atene: “Azo ti mbi, azo so ayeke sara ngangu na ala ayeke gi amolenge, awali laa ayeke sara komandema na ndö ti ala. Azo ti mbi, azo so ayeke fa lege na ala asara si ala girisa lege, ala yeke fa na ala sioni lege.”

Amos 4:1

Ala awali ti gbata ti Samarii, ala so akono tongana amama ti bagara ti Bashan so, ala ma tënë so: ala yeke te ye ti azo ti mawa na mbana, ala yeke sara pasi na awayere. Na pekoni, ala yeke tene na akoli ti ala: “Ala ga na samba, e nyon-oo!”