Amato 28:11 - Mbeti ti Nzapa - Tënë so amu fini

¹¹ Zo ti mosoro abaa tere ti lo tongana zo ti ndara; me wayere so ahinga ndo, fade lo yeke hinga nda ti zo ti mosoro ni.

Amato 28:11 ပူးပေါင်းရင်းမြစ်များ

Mbeti ti Job 32:9

Dutingo na ngu mingi laa ayeke mu ndara na zo pepe; gango mbakoro laa asara si zo ahinga ye ti mbirimbiri pepe.

Amato 18:11

Ti zo ti mosoro, mosoro ti lo ayeke tongana ngangu gbagba ti batango lo. Na ya ti gbungo-li ti lo, lo baa lo tene, mosoro ni ayeke tongana ngangu gbagba na tere ti lo.

Amato 18:17

Zo so amu tënë kozo na le ti ngbanga, azo abaa atene, atënë ti lo ayeke na legeni; me tongana mbeni zo nde aga, atënë ti lo ayeke gue nde na ti kozo zo ni.

Amato 19:1

Wayere so fini ti lo ayeke na legeni, lo yeke nzoni lo hon zo ti buba so ayeke tene gi atënë ti mayere.

Amato 23:4

Mo hunzi ngangu ti mo kue ndali ti gingo mosoro pepe: zia ti gbu li ti mo na ndö ni.

Amato 26:12

Tongana mo baa mbeni zo so abaa tere ti lo wani tongana zo ti ndara, ye so mo lingbi ti hinga ayeke so: nzoni ye so mo lingbi ti ku na mbage ti zo ti buba ayeke mingi ahon ti zo tongaso.

Amato 26:16

Zo ti sopo abaa tere ti lo wani tongana zo ti ndara; lo baa ti lo atene, lo hon azo mbarambara so ahinga ndo si ala lingbi ti kiri tënë na legeni.

Amato 26:5

Mo kiri tënë na zo ti buba alingbi na buba ti lo; tongaso pepe, lo yeke baa tere ti lo tongana zo ti ndara.

Amato 3:7

Mo baa tere ti mo wani tongana zo ti ndara pepe, me mo kpe mbeto ti KOTA GBIA; mo zia lege ti sioni ye.

Ésaïe 5:21

Mawa na ala, azo so abaa tere ti ala tongana azo ti ndara, azo so abaa tere ti ala tongana azo ti hingango ndo!

Rome 11:25

A-ita, mbi ye titene ala hinga taa-tënë so a sigigi na nda ni awe, tongaso si ala baa tere ti ala tongana azo ti ndara pepe. Tënë ni ayeke so: fade ambeni zo ti Israel ayeke ngba ti sara ngangu li ngbii asi na ndembe so wungo ti azo ti amara nde alingbi, so ti tene ala so ayeke li na popo ti azo ti Nzapa.

Rome 12:16

Ala ma tere na popo ti ala. Ala gi kota ndo pepe, me ala yeda ti sara asenge kua. Ala baa tere ti ala tongana azo ti ndara pepe.

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.