Amato 28:10 - Mbeti ti Nzapa - Tënë so amu fini

¹⁰ Zo so asara si azo ti mbirimbiri amu sioni lege, fade lo yeke ti na ya ti kuku ti lo wani. Me azo so sarango ye ti ala ayeke na legeni, ye so ayeke ga ti ala ayeke nzoni duti.

Amato 28:10 ပူးပေါင်းရင်းမြစ်များ

Abia (Psaumes) 139:24

Mo baa wala mbi mu mbeni sioni lege; mo fa na mbi lege so angba kpu na kpu.

Abia (Psaumes) 37:11

Me fade kodro ni ayeke ga ti azo so ayeke sara tere ti ala kete, ala yeke duti na taa siriri.

Abia (Psaumes) 57:6

Nzapa, ayeke nzoni mo fa so mo yeke kota, mo hon ayayu kue; ayeke nzoni gonda ti mo asu amu ndö ti sese kue!

Abia (Psaumes) 9:15

Tongaso, fade mbi yeke ngba ti gonda mo, mbi yeke gonda mo na ndo so azo ti Sion ayeke bongbi tere daa; mbi yeke ngba ti dodo na ngia ndali ti so mo soo mbi awe.

Amato 10:3

KOTA GBIA ayeke zia zo ti mbirimbiri ti kui nzara pepe; me lo yeke gbanzi lege na zo ti sioni ti wara ye so lo sara nzara ni.

Amato 15:6

Ya ti da ti zo ti mbirimbiri asi singo na mosoro; me aye so zo ti sioni awara aga na akpale na ndö ti lo.

Amato 2:21

Biani, fade azo ti mbirimbiri ayeke lango na ya ti kodro so; azo so dutingo ti ala ayeke na legeni ayeke ngba daa.

Amato 21:20

Na da ti zo ti ndara, gba ti anzoni ye na apendere kobe ayeke daa; me zo ti buba abuba ti lo aye ni kue.

Amato 26:27

Zo so azi du, fade lo yeke ti daa; zo so arule têne, fade têne ni akiri ti ti na ndö ti lo.

Amato 28:18

Zo so ayeke sara ye na lege ti taa-tënë, fade lo yeke soo kuâ; me zo so ayeke sara ye ge nde si lo yeke sara kâ nde, oko ti asarango ye ni ayeke sara si lo ti.

Zo ti bongbingo azo 10:8

Zo so azi du, gbaa lo wani, lo yeke ti na ya ni; zo so akungbi gbagba na sese, gbaa ngbo ayeke te lo.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Galasii 2:4

Me ambeni ita ti mvene ali na popo ti e tongana azo ti nzi, ala ye titene a fâ Tite na ganza. Ala ga ti gi ti hinga lege ti dutingo ti e na peko ti so e sigigi na gbe ti ngbaa si e ga oko na Christ. Ala ye ti kiri ti sara e na ngbaa.

Ahebro 6:12

Ala woko na lege ti sarango kua pepe, me ala sara ye tongana ti azo so ama na be, azo so akiri na peko pepe. Azo ni ayeke wara aye so Nzapa amu zendo ni na ala.

1 Pierre 3:9

Ala kiri sioni ndali ti sioni pepe, ala kiri zonga ndali ti zonga pepe. Me ala sara tufa na ndö ti azo, ngbanga ti so Nzapa airi ala ndali ni, tongaso si fade Nzapa ayeke sara tufa na ndö ti ala.

Aye so Nzapa afa 2:14

Me ambeni ye so mbi ke na mo ayeke so: na ndo ti mo, ambeni zo ayeke daa so ayeke mu peko ti Balaam na lege ti fango tënë ti lo. Ando Balaam amu wango na Balak titene lo handa azo ti Israel ti te anyama so a mu na *sandaga na anzapa nde si ala sara nga aye ti ndumba.

1 Samuel 26:19

Fadeso, ayeke nzoni gbia, kota zo ti mbi ama tënë ti mbi, zo ti kua ti lo nzoni. Tongana KOTA GBIA laa apusu mo ti sara sioni na mbi, ayeke nzoni *sandaga so azo amu na lo ade be ti lo. Me tongana azo laa apusu mo, ayeke nzoni KOTA GBIA adeba ala, ngbanga ti so ala laa atumba mbi na kodro fadeso; ala laa ake titene mbi lango na kodro so KOTA GBIA amu na azo ti lo. Na sarango ye tongaso, ala ye ti tene na mbi: ‘Gue, mo voro ambeni nzapa nde!’