Amato 28:1 - Mbeti ti Nzapa - Tënë so amu fini

¹ Zo ti sioni ayeke kpe, ataa zo oko atumba peko ti lo pepe; me zo ti mbirimbiri ayeke tongana bamara so ayeke na mbeto oko pepe.

Amato 28:1 ပူးပေါင်းရင်းမြစ်များ

1 Agbia 1:49

Azo so kue Adonia atisa ala ado na mbeto na mango tënë so. Ala londo si zo oko oko amu lege ti lo ti hon.

2 Agbia 7:15

Azo ni atumba peko ti aturugu ti Sirii ngbii asi na ngu ti Jourdain. Na tumbango peko ti azo ni, ala baa abongo na akungba so asi singo na ndö ti lege. Azo ti Sirii atuku akungba ni na sese na ndembe so ala yeke kpe ti hon. Awatokua ni akiri si ala tene tënë ni na gbia.

Néhémie 6:11

Mbi kiri tënë na lo, mbi tene: “Zo tongana mbi so laa alingbi ti kpe? Zo tongana mbi so alingbi ti li na ndo so ayeke nde si ayeke nzoni kue si lo ngba na fini? Mbi yeke li kâ oko pepe!”

Mbeti ti Job 15:21

Lo yeke ma toto ti mbeni go so ayeke zia mbeto na be ti zo. Na ngoi so lo yeke duti na siriri si azo ti bubango ye ayeke ti na ndö ti lo.

Abia (Psaumes) 112:7

Tongana lo ma sango ti asioni ye, lo yeke sara mbeto pepe; be ti lo aduti kpoo, lo zia be ti lo na ndö ti KOTA GBIA.

Abia (Psaumes) 53:5

Nzapa atene: “Azo ti sarango sioni so, ala hinga ye oko pepe! Ala yeke te azo ti mbi na mbana tongana ti so ala yeke te kobe ti ala; ala ke ti hunda ye na mbi.”

Abia (Psaumes) 53:6

Fade ala yeke do na kota mbeto, ataa so mbeni ye ti zia mbeto na be ti ala ayeke daa pepe. Azo so aga ti tiri bira na mo, fade Nzapa ayeke kangbi abio ti ala kirikiri. Fade mo yeke zia kamene na le ti ala, ngbanga ti so Nzapa ake ala awe.

Sigingo 11:8

Moïse akiri atene: Na ndembe ni so, fade azo ti gbe ti mo so ayeke ge so ayeke ga na mbage ti mbi, ala yeke kuku ti kpo li ti ala na sese na gbe ti mbi si ala yeke tene na mbi, atene: ‘Hon kâ, mo na azo so kue amu peko ti mo so!’ Na pekoni, mbi yeke hon.” Tongaso Moïse alondo na ndo ti Faraon, lo sigigi na ngonzo ti wâ na be ti lo.

Amato 10:9

Zo so sarango ye ti lo ayeke na legeni, ye ti sioni alingbi ti si na lo oko pepe; me zo so ayeke sara ye na lege ti mayere, fade azo ayeke sigigi na nda ti lo.

Amato 27:27

Na lege ti angasa ti mo, mo yeke wara ngu ti me gbani gbani titene aga kobe ti mo, ti azo ti sewa ti mo na ti azo ti kua ti mo ti wali.

Ésaïe 30:17

Wato oko ayeke be le na azo saki oko na popo ti ala. Awato oku ayeke be le na ala si ala kue ayeke kpe. Na ndani, azo so ayeke ngba, ala yeke luti tongana keke ti bendere na ndö ti hoto, tongana bendere na ndö ti kete hoto.

Ésaïe 7:2

Azo ague, atene tënë ni na gbia Ahaz, mbeni *hale ti David, lo na azo ti yangbo ti lo, ala tene: “Azo ti sese ti Sirii ali na sese ti Efraim awe.” Be ti Ahaz na ti azo ti kodro ti lo ato nda ti do tongana akeke ti gbako so pupu ayeke yingi ni.

Jérémie 20:4

Biani, tënë so KOTA GBIA atene ayeke so: ‘Mbi yeke sara si mo ga zo ti ziango mbeto na be ti mo wani nga na be ti amba ti mo so mo na ala aye tere mingi. Amba ti mo ni ayeke kui kuâ ti yongoro zeme na maboko ti awato ti ala. Ti mo, mo yeke luti ande ti baa ye ni na le ti mo. Mbi yeke sara si azo ti Juda kue ati na maboko ti gbia ti Babilone; lo yeke gbu ala ti gue na ala na Babilone si lo yeke fâ ala na yongoro zeme.

Awayango-sandaga 26:17

Fade mbi yeke ga na tere ti ala; awato ti ala ayeke kinda ala. Azo so ake ala ayeke ga ti sara komandema na ndö ti ala; ti ala, ala yeke kpe, ataa so mbeni zo atumba peko ti ala pepe.

Awayango-sandaga 26:36

“Ti azo so ayeke na popo ti ala si ayeke ngba na fini na kodro ti awato ti ala, mbi yeke sara si ala woko kue. Gi toto ti kugbe so ati na sese ayeke sara si ala kpe. Ala yeke kpe, mo baa mo tene, awato laa ayeke tumba peko ti ala na yongoro zeme. Ala yeke ti na sese, ataa so zo oko atumba peko ti ala pepe.

Awatokua 14:3

Ataa so kue, Paul na Barnabas angba na Ikoniom aninga. Ala fa tënë ti *Kota Gbia na mbeto pepe, ngbanga ti so ala zia be ti ala kue na ndö ti lo. Lo mu na ala ngangu ti sarango aye ti kpene na aye ti dongo be ti fa na azo atene, atënë so ala yeke fa na ndö ti nzoni be ti lo ayeke taa-tënë.

Awatokua 4:13

So azo ti fango ngbanga ni abaa Pierre na Jean ayeke tene tënë na mbeto pepe si ala hinga nga atene, ala yeke gi asenge zo so amanda mbeti pepe, li ti ala kue akpe. Ala hinga atene, akoli so ayeke ando na tere ti Jésus.

Ndia ti fani use ni 28:25

Fade KOTA GBIA ayeke sara si awato ti ala akinda ala na ya ti bira. Tongana ala, azo ti Israel, ala mu lege oko ti ga ti tiri bira na ala, fade ala yeke mu alege nde nde ti kpe kirikiri na dawa ti awato ni. Fade kota mbeto ayeke gbu akodro-gbia ti sese ni na bango aye so asi na ala, azo ti Israel.

Ndia ti fani use ni 28:7

Tongana awato aga ti tiri bira na ala, KOTA GBIA ayeke sara si ala kinda awato ni. Tongana awato ni amu lege oko ti ga ti tiri bira na ala, fade awato ni ayeke mu alege nde nde ti kpe kirikiri na dawa ti ala, azo ti Israel.

1 Tesalonike 2:2

Ala hinga nga atene, kozoni na gbata ti Filipe, azo azonga e si e baa pasi. Me na ya ti aye ti ngangu mingi, Nzapa amu ngangu na be ti e ti fa Nzoni Tënë ti lo na ala, azo ti Tesalonike.