Amato 27:8 - Mbeti ti Nzapa - Tënë so amu fini

⁸ Zo so azia kodro ti lo ti hon na ando kirikiri, lo yeke tongana ndeke so azia da ti lo ti hon na ando kirikiri.

Amato 27:8 ပူးပေါင်းရင်းမြစ်များ

Tongo nda ti aye 21:14

Na ndaperere so ndo angba kâ, Abraham alondo, lo mu mapa na bozo ti poro so ngu ayeke na ya ni, lo mu na Agar; lo zia ni na ndö ti go ti lo. Lo mu molenge ni na lo si lo tene na lo atene, lo gue. Agar ague si lo yeke tambula kirikiri na ya ti benyama ti Bersheba.

Tongo nda ti aye 4:16

Tongaso Kain ague yongoro na le ti KOTA GBIA, lo sara kodro na sese ti Nod, na mbage ti To ti Eden.

1 Agbia 11:22

Faraon ahunda Hadad, atene: “Nyen laa atia mo na tere ti mbi ge, nyen? Mo ye ti kiri na kodro ti mo ngbanga ti nyen?” Hadad akiri tënë na lo: “Ye oko pepe! Me mo zia na mbi lege, mbi gue si.”

1 Agbia 19:9

So Élie asi na hoto ti Horeb awe, lo li na ya ti mbeni kota du ti têne si lo lango daa. Kâ, tënë ti *KOTA GBIA asi na lo, atene: “Élie, nyen laa mo yeke sara ge, nyen?”

Amato 21:16

Zo so azia lege ti hingango ndo, fade lo yeke gue ti wu tere ti lo na ya ti bongbi ti akuâ.

Amato 26:2

Tongana ti so kete ndeke ayeke huru ti gue na ando nde nde si lo yeke duti na sese pepe, tongana ti so hirondele ayeke huru na le ti nduzu, dengo ba na zo senge senge ayeke sara ye oko pepe.

Amato 27:7

Zo so ya ti lo asi awe, ataa mafuta ti wotoro, lo yeke ke ni; me zo so nzara asara lo, ataa kobe asee tongana nyen, kobe ni ayeke nzere na yanga ti lo.

Ésaïe 16:2

Awali ti Moab ayeke luti na ndo so a yeke fâ ngu ti Arnon daa na gere. Ala kpa andeke so akpe, andeke so a tumba ala na da ti ala.

Jonas 1:3

Me Jonas alondo ti lo ti kpe ti gue na Tarsis, yongoro na le ti KOTA GBIA. Lo gue, lo si na Zafa. Kâ, lo wara mbeni mangboko so ayeke gue na Tarsis. Lo futa mangboko ni si lo na azo ti ya ni kue alondo ti gue na Tarsis, yongoro na le ti KOTA GBIA.

1 Korente 7:20

Alingbi zo oko oko angba na lege ti dutingo ti lo tongana ti so lo yeke na ni na ndembe so Nzapa airi lo.

Jude 1:13

Ala yeke tongana asioni *mapo ti le ti kota ngu-ingo so pupu ayeke yingi ni kirikiri, aye ti kamene ti ala ni ayeke sara tongana *afuru ti ngu. Ala yeke nga tongana ambeni tongoro so ayeke tambula kirikiri; ndo so a leke ndali ti azo ni titene ala duti daa kpu na kpu ayeke na ndo so avuko pitipiti.

1 Samuel 22:5

Wayanga-Nzapa Gad atene na David: “Ngba ti honde tere ti mo na ndo so pepe. Sigigi mo gue na sese ti Juda.” Nilaa David alondo ague na ya ti gbako ti Heret.