Amato 27:6 - Mbeti ti Nzapa - Tënë so amu fini

⁶ Titene mbeni zo so mo na lo aye tere mingi aso be ti mo, so laa ayeke nzoni ahon titene mbeni wato asu ngbangba ti mo gbani gbani.

Amato 27:6 ပူးပေါင်းရင်းမြစ်များ

Abia (Psaumes) 141:5

Tongana zo ti mbirimbiri apika mbi, andaa lo sara nzoni be na mbi laa. Tongana lo suku na mbi, andaa nzoni mafuta laa lo tuku na li ti mbi, mbi lingbi ti ke ni pepe. Me mbi yeke ngba ti sambela, ataa so ala yeke sara sioni na mbi.

Amato 10:18

Zo so ahonde tënë ti kengo amba ti lo, lo yeke zo ti tenengo mvene; zo so adu mvene na li ti azo, lo yeke zo so li ti lo ayeke daa pepe.

Amato 20:30

Tongana a pika zo si lo wara ka, ka ni alingbi ti ga tongana yoro ti kaingo na sioni ti lo; pikango zo alingbi nga ti *sukula ya ti be ti lo.

Amato 27:7

Zo so ya ti lo asi awe, ataa mafuta ti wotoro, lo yeke ke ni; me zo so nzara asara lo, ataa kobe asee tongana nyen, kobe ni ayeke nzere na yanga ti lo.

Amato 28:23

Zo so asuku na amba ti lo, mbeni lâ, ala yeke baa so nzoni ye laa lo sara na ani; zo ni ayeke nzoni ahon zo so atene anzerengo tënë ti handa na zo.

Ahebro 12:10

Ti ababâ ti e ti sese so, ala yeke pika ka e tongana ti so ala baa nzoni na le ti ala; pikango e ni ayeke gi ndali ti kete ngoi. Me ti Nzapa, lo yeke pika e ndali ti nzoni ti e, ti mu na e lege ti duti nde si e ga nzoni kue tongana lo.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!