Amato 27:23 - Mbeti ti Nzapa - Tënë so amu fini

²³ Ayeke nzoni mo hinga dutingo ti ataba na angasa ti mo nzoni; mo bata anyama ti mo nzoni.

Amato 27:23 ပူးပေါင်းရင်းမြစ်များ

Tongo nda ti aye 33:13

Jacob akiri tënë na lo, atene: “Kota zo ti mbi, mo hinga so amolenge awoko mingi. Mbi yeke nga na amama ti taba na amama ti bagara so angba ti mu me na amolenge ti ala. Tongana a sara si ala tambula na ngangu gi na ya ti lango oko, fade anyama ni kue ayeke kui.

2 Mbai 26:10

Lo sara nga ada so ayo na nduzu na benyama si lo zi adu ti ngu mingi, ngbanga ti so lo yeke na anyama mingi na *Kodro-ti-gbeni nga na kpangbara sese. Lo yeke nga na azo ti fango yaka na azo ti fango yaka ti *vinye so ayeke na ndö ti ahoto nga na ndö ti hoto ti Karmel. Biani, Ozias aye kua ti yaka mingi.

Sigingo 7:23

Faraon azia peko na ala, lo kiri na ndo ti lo si lo baa ye ni tongana senge ye na le ti lo.

Amato 24:27

Mo sara akua ti mo so ayeke na gigi; mo fâ nga yaka ti mo ti ku na lango ti fango ale ti kobe kozoni si mo to nda ti sara da ti mo.

Amato 24:32

Mbi gbu li ti mbi na ndö ti ye so mbi baa so; na pekoni, ye so mbi manda daa ayeke so:

Jérémie 31:10

Ala amara nde, ala ma tënë ti KOTA GBIA, ala bi tënë ni na mê ti azo so ayeke na ya ti azoa yongoro kâ. Ala tene: “KOTA GBIA akangbi lani azo ti Israel kirikiri, fadeso lo bongbi ala si lo bata ala tongana wabatango-taba so abata ataba ti lo.”

Ezekiel 34:12

Legeoko tongana ti so mbeni wabatango-taba ayeke na popo ti ataba ti lo so akangbi kirikiri, lo yeke baa ndo na ndö ti ala, mbi nga, fade mbi yeke baa ndo na ndö ti ataba ti mbi. Mbi yeke zi ala na ando so kue ala kangbi kirikiri daa, na lango so mbinda asara si ndo avuko vukongo.

Ezekiel 34:31

“Ala azo, ala yeke ataba ti mbi, ataba so mbi yeke mu na ala kobe. Biani, mbi yeke Nzapa ti ala. So tënë ti yanga ti Kota Gbia NZAPA laa.”

Jean 10:3

Wabatango yanga ti gbagba ni azi yanga ni na lo, ataba ni ama go ti lo. Lo iri ataba ti lo na iri ti ala oko oko si lo sigigi na ala.

Ndia ti fani use ni 32:46

lo tene na ala: “Atënë so kue mbi fa na ala laso, ala mu yanga na amolenge ti ala ti zia be ti ala daa, ti sara ye alingbi na atënë kue ti *Ndia so.

1 Pierre 5:2

Ala bata bongbi ti azo ti Nzapa so lo zia na maboko ti ala. Ala sara ni na nzoni be, tongana ti so be ti Nzapa aye; mbeni zo agbu ala na ngangu ti sara ni pepe. Ala sara kua ni ndali ti nzara ti nginza pepe, me ala mu tere ti ala kue na kua ni.

1 Samuel 17:28

Eliab, yaya ti David ama tënë so David ayeke tene na azo. Ngonzo agbu lo na tere ti David si lo tene na lo: “Mo ga ge ngbanga ti nyen? Mo zia akete nyama ti mo na benyama na zo wa? Mbi hinga mo kue; mo yeke zo ti karapiri si mo sara mbana ahon ndoni. Mo ga ge ti baa bira.”