Amato 27:20 - Mbeti ti Nzapa - Tënë so amu fini

²⁰ Ndo ti akuâ na *kota du so alinda mingi, ya ni asi laoko pepe. Legeoko nga, nzara ti warango ye ayeke hunzi na be ti zo laoko pepe.

Amato 27:20 ပူးပေါင်းရင်းမြစ်များ

Mbeti ti Job 26:6

Ndo ti akuâ ayeke polele na le ti Nzapa; *kota du so alinda mingi so, mbeni ye ti honde ni na le ti lo ayeke daa pepe.

Amato 15:11

Aye so asi na ndo ti akuâ, na ya ti *kota du so alinda mingi, KOTA GBIA ahinga ni kue. Ye so ayeke na ya ti be ti zo, lo lingbi ti hinga ni pepe?

Amato 23:5

Gi so le ti mo ayeke ti na ndö ti mosoro ni tongaso, lo hon ti lo awe. Biani, nginza aleke *akpangi ti lo wani so lo yeke huru na ni na le ti nduzu ti hon tongana *ngoalo.

Amato 27:19

Tongana ti so zo ayeke baa le ti lo wani na ya ti ngu, a yeke hinga tënë so ayeke na be ti zo gi na ndö ti le ti lo.

Zo ti bongbingo azo 1:8

Aye kue afun sen, zo alingbi ti zi yanga daa mbeni pepe. Le ti zo abaa aye mingi, me ade alingbi na lo pepe. Mê ti zo ama atënë mingi, me ade alingbi na lo pepe.

Zo ti bongbingo azo 4:8

mbeni zo ayeke daa so lo yeke gi lo oko, mbeni zo ayeke na tere ti lo pepe; lo yeke na molenge pepe, wala na ita pepe. Lo yeke sara kua, lo wu tere pepe; me nzara ti warango mosoro mingi angba na be ti lo. Lo hunda tere ti lo, lo tene: “Akua so kue mbi sara, mbi yeke sara ni ndali ti zo wa?” Mbi gbanzi tere ti mbi ti sara ngia, mbi yeke sara ni ndali ti zo wa? Ye so nga ayeke gi senge senge; so ayeke sioni ye.

Zo ti bongbingo azo 6:7

Akua so kue zo ayeke sara, lo yeke sara ni ndali ti kobe ti yanga ti lo. Me laoko nzara ni ahunzi na be ti lo pepe.

Ésaïe 5:14

Tongaso, fade ndo ti akuâ ayeke zi yanga ti lo kota, lo yeke zi ni akono ahon ndoni. Akota zo ti kodro na asenge zo ti gbata ni ayeke li na ya ni, ala na aye ti wusuwusu ti ala, na ngia ti ala kue.

Jérémie 22:17

Me ti mo, mo yeke gi gi nzoni ti mo wani; nilaa azo so tënë ayeke na li ti ala pepe, mo ye gi ti tuku mene ti ala senge senge; mo ye gi ti sara ngangu na azo, ti sara ala na ngangu, na ngangu.”

Habakuk 2:5

Biani, mosoro ayeke handa zo handango: zo ti baba ayeke duti kpoo pepe, lo yeke zi yanga ti lo kota tongana ndo ti akuâ; lo yeke tongana kuâ so nzara ti lo ayeke hunzi pepe. Lo bongbi amara kue na tere ti lo, lo zia azo kue na gbe ti komandema ti lo.

Aggée 1:9

Ala ku fade ti wara kobe ti yaka mingi, me ala wara ni gi kete. Kete ni so angba na ala so, mbi huru ni si ahon kue. Ye ni asi tongaso ndali ti nyen? So tënë ti yanga ti KOTA GBIA so ayeke na ndö ti dunia kue laa: Ye ni asi ndali ti so kota da ti mbi abuba, me zo oko oko amu ngangu ti lo kue ti sara gi da ti lo wani.

1 Jean 2:16

Aye ti dunia ni, so ti tene asioni nzara ti be ti zo, sarango nzara ti aye so anzere na le ti zo nga na baba so azo ayeke sara ndali ti aye so ala wara, aye so kue alondo na Babâ pepe, me alondo na dunia so.