Amato 26:25 - Mbeti ti Nzapa - Tënë so amu fini

²⁵ Ataa lo tene tënë na nzoni be, mo zia be ti mo na ndö ni pepe, ngbanga ti so aye ti sioni mingi asi singo na ya ti be ti lo.

Amato 26:25 ပူးပေါင်းရင်းမြစ်များ

Néhémie 6:2

Tongaso Sanebalat, lo na Geshem atokua mbeni zo na mbi titene mbi gue, mbi wara ala na Kefirim, na popo-hoto ti Ono titene mbi na ala e leke mbeni tënë. Andaa ala yeke gi lege ti sara sioni na mbi.

Abia (Psaumes) 12:2

*KOTA GBIA, soo mbi maa! Azo so angba na lege ti mo ayeke daa mbeni pepe; azo ti mbirimbiri ayeke daa fadeso pepe.

Abia (Psaumes) 28:3

Mo bongbi mbi na azo ti sioni pepe, wala na azo ti kirikiri pepe. Ala yeke tene tënë ti siriri na amba ti ala, me sioni ye ayeke na be ti ala.

Amato 23:7

Biani, be ti lo ayeke nde na tënë so lo yeke tene. Lo lingbi ti tene na mo: “Mo te, mo nyon”, me na be ti lo kâ, ye ni ayeke nde.

Amato 26:23

Tongana zo ti sioni be atene tënë ti ndoye, akpa wen ti nginza so puru ni angba daa si a mu ni ti zia na tere ti ta ti sese.

Jérémie 12:6

“Biani, ataa azo ti mara ti mo, ataa azo ti da ti mo, ala yeke ka mo; ala yeke bongbi gba ti azo ti sara sioni na mo, me mo hinga pepe. Tongana ala yeke tene anzerengo tënë na mo, mo zia be ti mo na ndö ti ala pepe.”

Mishe 7:5

Ala azo, azo so ayeke nduru na ala, ala yeda na tënë ti ala pepe; azo so ala ye ala mingi so, ala zia be ti ala na ndö ti ala pepe. Ataa na awali ti ala wani, ala bata yanga ti ala.

Matthieu 24:23

Tongana mbeni zo atene na ala: ‘Baa, *Mesii laa ge so!’, wala: ‘Lo laa kâ so!’, ala yeda na lo pepe.

1 Samuel 18:17

Saul atene na David: “Baa, Merab, kozo molenge ti mbi ti wali laa; mbi yeke mu lo na mo titene lo ga wali ti mo. Gi ye oko, sara kua ti mbi ngangu, mo tiri bira ndali ti *KOTA GBIA.” Andaa Saul ayeke tene na be ti lo, atene: “Mbi wani laa mbi yeke fâ lo pepe; ayeke nzoni azo ti Filistii laa afâ lo.”