Amato 26:24 - Mbeti ti Nzapa - Tënë so amu fini

²⁴ Zo ti kengo azo ahonde tere ti lo na peko ti atënë ti lo; na ya ti be ti lo kâ, lo leke atënë ti handa.

Amato 26:24 ပူးပေါင်းရင်းမြစ်များ

Tongo nda ti aye 34:13

Amolenge ti Jacob akiri tënë na Sishem nga na babâ ti lo Hamor na mayere, ngbanga ti so Sishem asara ye ti kamene na ita ti ala ti wali Dina.

2 Samuel 13:26

Absalom atene: “Zia lege na ita ti mbi Amnon, e na lo, e gue ma!” Gbia akiri tënë na lo: “Lo gue na ndo ti mo ngbanga ti nyen?”

2 Samuel 13:27

Absalom angba gi na ndö ti oko hunda ni si gbia azia lege na Amnon na tanga ti amolenge ni kue ti gue.

2 Samuel 20:9

Yoab atene na Amasa: “Ita ti mbi, mo yeke senge?” Yoab agbu kua ti yanga ti Amasa na maboko ti lo ti koli ti su ngbangba ti lo.

Néhémie 6:2

Tongaso Sanebalat, lo na Geshem atokua mbeni zo na mbi titene mbi gue, mbi wara ala na Kefirim, na popo-hoto ti Ono titene mbi na ala e leke mbeni tënë. Andaa ala yeke gi lege ti sara sioni na mbi.

Abia (Psaumes) 12:3

Zo oko oko ayeke du mvene na li ti mba ti lo; tënë ti yanga ti ala anzere gi nzerengo, tënë ti be ti ala ayeke use use.

Abia (Psaumes) 28:3

Mo bongbi mbi na azo ti sioni pepe, wala na azo ti kirikiri pepe. Ala yeke tene tënë ti siriri na amba ti ala, me sioni ye ayeke na be ti ala.

Abia (Psaumes) 41:6

Awato ti mbi ayeke tene sioni tënë na tere ti mbi, ala tene: “Lawa laa lo yeke kui si fade iri ti lo ayeke mingo biani biani so?”

Amato 10:18

Zo so ahonde tënë ti kengo amba ti lo, lo yeke zo ti tenengo mvene; zo so adu mvene na li ti azo, lo yeke zo so li ti lo ayeke daa pepe.

Amato 11:1

Kilo so ayeke na legeni pepe, be ti KOTA GBIA ake ni mingi; me be ti lo anzere ndali ti kilo so ayeke na legeni.

Amato 12:17

Zo so ayeke tene taa-tënë, lo yeke zia lege na ye ti mbirimbiri; me zo so adu mvene na le ti ngbanga, lo yeke zia lege na tënë ti handa.

Amato 12:20

Azo so aleke na be ti ala ti sara sioni, be ti ala asi singo na tënë ti handa; me azo so ayeke mu wango ndali ti siriri, ala yeke na ngia.

Amato 12:5

Tënë ti be ti azo ti mbirimbiri ayeke sarango ye na lege ti ndia; me ti azo ti sioni, ala ye gi handango azo.

Amato 14:8

Zo ti hango le ayeke sara hange na lege ti dutingo ti lo: so zo ti ndara laa. Me zo ti buba ayeke handa azo: so zo ti buba laa.

Amato 23:7

Biani, be ti lo ayeke nde na tënë so lo yeke tene. Lo lingbi ti tene na mo: “Mo te, mo nyon”, me na be ti lo kâ, ye ni ayeke nde.

Jérémie 9:4

Ala oko oko kue ayeke handa amba ti ala; zo oko ayeke tene taa-tënë pepe. Ala leke menga ti ala ti tene gi atënë ti mvene. Ala sara sioni ngbii awoko ala.

1 Samuel 18:17

Saul atene na David: “Baa, Merab, kozo molenge ti mbi ti wali laa; mbi yeke mu lo na mo titene lo ga wali ti mo. Gi ye oko, sara kua ti mbi ngangu, mo tiri bira ndali ti *KOTA GBIA.” Andaa Saul ayeke tene na be ti lo, atene: “Mbi wani laa mbi yeke fâ lo pepe; ayeke nzoni azo ti Filistii laa afâ lo.”