Amato 26:21 - Mbeti ti Nzapa - Tënë so amu fini

²¹ Tongana ti so pindiri ti wâ asara si le ti wâ angba ti te, tongana ti so keke ti wâ asara si wâ angba ti za, zo so ayeke gi tënë mingi asara si papa alondo ngangu.

Amato 26:21 ပူးပေါင်းရင်းမြစ်များ

2 Samuel 20:1

Mbeni zo ti bingo kpale ayeke lani kâ, iri ti lo ayeke Sheba, molenge ti Bikri, zo ti mara ti Benjamin. Sheba ahuru tatalita, atene: “Nyen laa abongbi e na David, nyen? Mbeni ye abongbi e na molenge ti Yese? Azo ti Israel, ayeke nzoni zo oko oko akiri na da ti lo.”

1 Agbia 12:20

So azo ti Israel ti mbage ti Banga kue ama a tene, Yeroboam akiri awe, ala tokua ti iri lo ti ga na ya ti kota bongbi ti ala. Ala mu lo ti ga gbia na ndö ti Israel kue. Gi azo ti mara ti Juda oko laa angba na gbe ti komandema ti azo ti sewa ti David.

Abia (Psaumes) 120:4

– Ye so KOTA GBIA ayeke bi ande na ndö ti ala ayeke ale ti kokora so yanga ni aza mingi si ale ti wâ ayeke daa.

Amato 10:12

Kengo zo ayeke du papa; me ndoye ayeke kanga ndö ti sioni ye kue.

Amato 15:18

Zo so be ti lo wâ wâ asara si papa alondo; me zo so ayeke kanga be ti lo asara si tiri akai.

Amato 29:22

Zo ti ngonzo asara si papa alondo; zo so be ti lo gi wâ wâ asara si siokpari awu ahon ndoni.

Amato 30:33

Biani, tongana zo amu ngu ti me ti bagara si apika ya ni, dubere ayeke sigigi daa. Tongana zo apika hon ti mba ti lo, mene ayeke sigigi daa, tongana zo azingo ngonzo ti mba ti lo, tiri ayeke londo.