Amato 26:16 - Mbeti ti Nzapa - Tënë so amu fini

¹⁶ Zo ti sopo abaa tere ti lo wani tongana zo ti ndara; lo baa ti lo atene, lo hon azo mbarambara so ahinga ndo si ala lingbi ti kiri tënë na legeni.

Amato 26:16 ပူးပေါင်းရင်းမြစ်များ

Amato 12:15

Sarango ye ti zo ti buba ayeke lakue nzoni na le ti lo wani; me zo so ayeke ma wango ayeke zo ti ndara.

Amato 26:12

Tongana mo baa mbeni zo so abaa tere ti lo wani tongana zo ti ndara, ye so mo lingbi ti hinga ayeke so: nzoni ye so mo lingbi ti ku na mbage ti zo ti buba ayeke mingi ahon ti zo tongaso.

Amato 27:11

Molenge ti mbi, mo duti na ndara si fade be ti mbi aduti na ngia. Tongana mbeni zo akasa mbi, fade mbi yeke wara lege ti kiri tënë na lo.

Amato 6:6

Mo zo ti sopo, gue, mo baa amini! Mo baa lege ti sarango ye ti ala kpoo, fade mo yeke ga zo ti ndara!

1 Pierre 3:15

Na be ti ala, ala ne Christ, *Kota Gbia ti ala. Ala duti lakue nduru ti kiri tënë na azo so ayeke hunda na ala tënë na ndö ti ye so ala zia be ti ala ti ku.