Amato 25:8 - Mbeti ti Nzapa - Tënë so amu fini

⁸ Ye so mo baa na le ti mo, mo mu tënë ni hio ti gue na ni na gbe ti ngbanga pepe. Tongaso pepe, tongana zo so tënë ni abaa lo ague, abi kamene na le ti mo, fade mo yeke kiri ti sara nyen?

Amato 25:8 ပူးပေါင်းရင်းမြစ်များ

2 Samuel 2:26

Abner airi Yoab si atene na lo: “Fade e yeke ngba ti fâ tere ti e na yongoro zeme lakue? Mo hinga, mo tene, vundu ayeke ga na peko ti ye so e yeke sara so pepe? Lawa laa mo yeke tene na azo ti mo titene ala zia lege ti tumbango peko ti a-ita ti ala ti fâ ala so?”

1 Agbia 3:25

si lo tene: “Molenge so ayeke na fini so, ala fâ ya ti lo use, ala mu ndambo ni na mbeni wali ni, ndambo ni na mbeni.”

Amato 14:12

Mbeni zo alingbi ti baa ti lo atene, lege ti sarango ye ti ni ayeke mbirimbiri, andaa ayeke lege so ague na kuâ.

Amato 17:14

Tongo nda ti papa ayeke tongana zingo lege na kota ngu ti buba ndo; kozo titene tiri aga ngangu, mo zia lege ni!

Amato 18:6

Atënë ti zo ti buba ayeke sara si tiri alondo; atënë ti yanga ti lo ayeke pusu azo ti pika tere.

Amato 30:33

Biani, tongana zo amu ngu ti me ti bagara si apika ya ni, dubere ayeke sigigi daa. Tongana zo apika hon ti mba ti lo, mene ayeke sigigi daa, tongana zo azingo ngonzo ti mba ti lo, tiri ayeke londo.

Zo ti bongbingo azo 7:9

Alingbi mo sara ngonzo hio hio pepe; azo ti buba laa ayeke sara ngonzo hio hio.

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Matthieu 5:25

“Tongana zo so mo na lo awara tënë amu mo ti gue na mo na ngbanga, so ala ngba na lege ti gue, mo gi lege ti leke tënë ni hio, ngbanga ti lo mu mo na wafango-ngbanga si wafango-ngbanga ni azia mo na maboko ti aturugu titene ala bi mo na da ti kanga.