Amato 25:7 - Mbeti ti Nzapa - Tënë so amu fini

⁷ Tongana a tene na mo: “Ga mo duti na li ni ge”, so laa ayeke nzoni ahon titene a zia mo na peko kâ na dawa ti mbeni kota zo.

Amato 25:7 ပူးပေါင်းရင်းမြစ်များ

Amato 16:19

Titene zo aduti tongana senge zo na popo ti azo ti mawa, so laa ayeke nzoni ahon titene lo na azo ti baba akangbi na popo ti ala akungba so ala gbu na peko ti bira.

Amato 25:6

Mo pika kate ti mo na le ti gbia pepe; mo mu ndo ti akota zo pepe.

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”

Aye so Nzapa afa 4:1

Na pekoni, mbi baa mbeni ye nde: mbi baa mbeni yanga ti da so azi na yayu. Mbeni go so mbi ma kozoni si atoto tongana tatalita so, atene na mbi: “Mo ma na nduzu ge; fade mbi yeke fa na mo aye so, alingbi asi na pekoni.”