Amato 25:6 - Mbeti ti Nzapa - Tënë so amu fini

⁶ Mo pika kate ti mo na le ti gbia pepe; mo mu ndo ti akota zo pepe.

Amato 25:6 ပူးပေါင်းရင်းမြစ်များ

Abia (Psaumes) 131:1

A yeke he bia so na ndembe ti guengo ni na Jérusalem. Bia ti David. *KOTA GBIA, mbi yeke zo ti baba pepe, mbi ye gi kota ndo pepe. Mbi yeke kpe na peko ti akota ye pepe, wala aye so ahon ngangu ti mbi pepe.

Sigingo 3:11

Moïse atene na Nzapa, atene: “Mbi yeke zo wa ti gue na ndo ti Faraon ti zi azo ti Israel na sese ti Ezipte ti sigigi na ala?”

Amato 16:19

Titene zo aduti tongana senge zo na popo ti azo ti mawa, so laa ayeke nzoni ahon titene lo na azo ti baba akangbi na popo ti ala akungba so ala gbu na peko ti bira.

Amato 25:27

Sungo mafuta ti wotoro gbani gbani ayeke nzoni pepe; gingo lege ti duti na gonda gbani gbani ayeke nga nzoni pepe.

Amato 25:5

Zi azo ti sioni na tere ti gbia si fade lengo-gbia ti lo akpengba na lege ti sarango ye ti mbirimbiri.

Amato 25:7

Tongana a tene na mo: “Ga mo duti na li ni ge”, so laa ayeke nzoni ahon titene a zia mo na peko kâ na dawa ti mbeni kota zo.

Amato 27:2

Mo zia mbeni zo nde agonda mo; mo zia wande si asara ni, me mo wani pepe!

Nzoni Tënë so Luc asu na mbeti 14:10

Me tongana mbeni zo atisa mo ti te kobe, ayeke nzoni mo gue, mo duti na ndö ti ngende ti ndani si zo so atisa mo so aga atene na mo: ‘Ita, gue, mo duti kâ na li ni.’ Tongaso, fade mo ne na le ti azo so kue mo na ala ayeke te kobe so.

Nzoni Tënë so Luc asu na mbeti 14:8

“Tongana mbeni zo atisa mo na matanga ti mungo tere ti koli na wali, ayeke nzoni mo gue, mo duti na ndö ti kozo ngende pepe. Mo hinga pepe, zo so atisa mo so, lo tisa nga mbeni zo so ayeke kota ahon mo

1 Samuel 15:17

Samuel atene: “So mo yeke baa tere ti mo wani lani tongana kete zo so, KOTA GBIA laa asara si mo ga makonzi na li ti azo ti Israel pepe? Lo tuku mafuta na li ti mo si mo ga gbia ti azo ti Israel.