Amato 25:4 - Mbeti ti Nzapa - Tënë so amu fini

⁴ Zi zende na tere ti wen ti nginza si fade zo ti sarango aye ti kode alingbi ti sara na mbeni ye ti pendere.

Amato 25:4 ပူးပေါင်းရင်းမြစ်များ

Abia (Psaumes) 66:10

Nzapa, mo tara e awe, mo tara e tongana wen ti nginza so a kporo ni na ya ti wâ.

Amato 17:3

A yeke tara lôro nga na wen ti nginza na ya ti wâ; me KOTA GBIA laa ayeke tara be ti zo.

Amato 25:3

Ndo so le ti nduzu ague ngbii aluti daa, ndo so sese ali ngbii aluti daa, zo agi nda ni gbaa. Legeoko nga, zo alingbi ti gi nda ti atënë ti be ti gbia pepe.

Amato 26:23

Tongana zo ti sioni be atene tënë ti ndoye, akpa wen ti nginza so puru ni angba daa si a mu ni ti zia na tere ti ta ti sese.

Ezekiel 22:18

“Molenge ti zo, azo ti Israel aga tongana puru ti wen na le ti mbi. Ala yeke tongana puru ti wen, ti kuivre, ti eten, wala puru ti plon so ayeke na ya ti wâ ti zo ti pikango ndao na peko ti so wen ti nginza asigigi daa.

1 Pierre 1:7

Pasi ni asi na ala ti tara mabe ti ala. Lôro ayeke ye so ayeke buba bubango, me azo ayeke tara ni na wâ. Mabe ayeke kota ye ahon lôro. Ndani laa a yeke tara ni ti baa wala akpengba, tongaso si fade Nzapa ayeke tene nzoni tënë ti ala, lo yeke gonda ala si lo yeke ne ala na ndembe so Jésus Christ ayeke si.