Amato 24:8 - Mbeti ti Nzapa - Tënë so amu fini

⁸ Zo so ayeke gbu li ti lo lakue ti sara sioni ye, a yeke iri lo “zo ti mayere”.

Amato 24:8 ပူးပေါင်းရင်းမြစ်များ

1 Agbia 2:44

Gbia atene na Shimei: “Mo hinga na be ti mo sioni so kue mo sara na babâ ti mbi David. Fade KOTA GBIA ayeke sara titene ngbanga ti sioni ti mo ati na li ti mo wani.

Abia (Psaumes) 21:11

Mo yeke zi *ahale ti ala na ndö ti sese so, mo yeke zi mara ti ala na popo ti azo.

Amato 14:22

Zo so aleke na be ti lo ti sara sioni ye, lo girisa lege biani. Me zo so aleke na be ti lo ti sara nzoni ye, azo ayeke sara nzoni be na lo si ala yeke zia be ti ala na ndö ti lo.

Amato 24:2

Biani, ala yeke gbu li ti ala gi ti buba ndo; ala yeke tene gi tënë ti asioni ye so ala ye ti sara.

Amato 24:9

Ye so zo ti buba agbu li ti lo daa ayeke lakue gi siokpari; zo ti hengo ndo, be ti azo ake lo mingi.

Amato 6:14

Gi atënë ti kirikiri laa ayeke na be ti lo; lo yeke gbu li ti lo lakue ti sara sioni ye; lo yeke bi tënë ti papa na popo ti azo.

Amato 6:18

be so ayeke gi lege ti sara asioni ye, gere so ayeke kpe hio ti sara sioni;

Ésaïe 32:7

Ti zo ti handango ndo, kua ti lo ayeke ti sarango sioni mingi na zo: lo yeke leke aye na mayere ti sara sioni na wayere na tenengo mvene na li ti wayere ni. Andaa wayere ni ahunda gi ye so ayeke ti lo.

Nahum 1:11

Zo so aleke na be ti lo ti sara sioni na KOTA GBIA, zo ni asigigi na ya ti kodro ti mo. Zo ni aleke na be ti lo sioni pialo ti bubango ndo.

Rome 1:30

ala yeke tene sioni tënë na iri ti amba ti ala; ala yeke awato ti Nzapa, ala yeke azo ti sioni yanga, ala baa tere ti ala kota ahon azo kue, ala yeke pika kate ti ala mingi, ala yeke gi gi akode ti sarango sioni, ala yeke sara ngangu li na babâ na mama ti ala,