Amato 24:5 - Mbeti ti Nzapa - Tënë so amu fini

⁵ Zo ti ndara ayeke ngangu zo; zo ti hingango ye asara titene ngangu ti lo akiri akono ahon ti kozoni.

Amato 24:5 ပူးပေါင်းရင်းမြစ်များ

Abia (Psaumes) 84:7

Tongana ala hon na popo-hoto ti Baka so ahole holengo, ala sara si ngu asigigi daa; akozo ngu-Nzapa asara si nzoni ye amu ndo ni kue.

Amato 10:29

Lege ti KOTA GBIA ayeke tongana ngangu gbagba na tere ti zo so sarango ye ti lo ayeke na legeni; me lege ni ayeke buba fini ti azo ti sarango sioni.

Amato 21:22

Mbeni gbata so ngangu gbagba ayeke na tere ni, zo ti ndara alingbi ti li daa, lo mu ni senge. Gbagba so azo ti gbata ni azia fade be ti ala na ndö ni, lo yeke kungbi ni kue na sese.

Amato 24:6

Kozo titene mo londo ti gue na bira, ayeke nzoni mo leke gere ni nzoni si. Ndali ti gba ti awamungo-wango si kodro ayeke sigigi na ya ti akpale.

Amato 8:14

Kua ti mbi ayeke ti mu wango na azo; mbi yeke mu lege na ala ti sara aye ti ala nzoni. Mbi laa mbi yeke hingango nda ti aye; ngangu ayeke ti mbi.

Zo ti bongbingo azo 7:19

Ndara ayeke sara si zo ti ndara ayeke na ngangu mingi ahon amakonzi baleoko so ayeke na ya ti mbeni gbata.

Ésaïe 36:5

Mbi tene na mo, ye mo leke ti tiri bira na ngangu ayeke gi asenge tënë ti yanga! Zo wa laa mo zia be ti mo na ndö ti lo si mo tomboka na tere ti mbi so?

Ésaïe 40:31

Me azo so azia be ti ala na ndö ti KOTA GBIA, ala yeke wara fini ngangu; ala yeke huru tongana *ngoalo. Ala mu loro, me ala yeke woko pepe, ala tambula, me ngangu ayeke hunzi na ala pepe.

Kolose 1:11

Fade Nzapa ayeke sara titene ala kpengba mingi na lege ti ngangu ti lo so ayeke fa gonda ti lo. Tongaso, na ya ti aye ti ngangu kue, ala lingbi ti gbu ngangu, ala kanga be ti ala ti ku.