Amato 24:31 - Mbeti ti Nzapa - Tënë so amu fini

³¹ Mbi baa so, akamba ti ki na asioni pere amu le ti yaka ni kue; gbagba so a sara na tere ti yaka ni atuku kue na sese.

Amato 24:31 ပူးပေါင်းရင်းမြစ်များ

Mbeti ti Job 30:7

Ala bongbi tere ti ala na gbe ti akamba ti ki, ala yeke toto tongana nyama na popo ti akete keke.

Mbeti ti Job 31:40

Tongana ye ni ayeke tongaso, ayeke nzoni akeke ti ki asigigi na plase ti *ble; afungo pere asigigi na plase ti *orze. Atënë ti Job ahunzi na ndo so.

Amato 13:4

Zo ti sopo asara nzara ti ye, me lo yeke wara ni pepe; me azo so ayeke gbu kua ngangu, ala yeke wara aye gbani gbani.

Amato 19:23

Kpengo mbeto ti KOTA GBIA asara si zo aduti na fini; zo so asara ni, fini ti lo ayeke si singo na anzoni ye si sioni ye oko ayeke si na lo pepe.

Amato 20:4

Na ngoi ti fango yaka, zo ti sopo aye ti fâ yaka pepe; na ngoi ti fango ale ti kobe, lo yeke gue ti gi kobe, me lo yeke wara ye oko pepe.

Amato 22:13

Zo ti sopo atene: “Bamara ayeke na gigi! Fade lo yeke fâ mbi taa na be ti lege!”

Amato 23:21

Biani, azo so ayeke nyon ye ahon ndoni, wala ala so ayeke te ye ahon ndoni, ala yeke ga awayere. Ndali ti so ala ye lango mingi, fade ala yeke yu gi agbagba bongo.

Amato 24:32

Mbi gbu li ti mbi na ndö ti ye so mbi baa so; na pekoni, ye so mbi manda daa ayeke so:

Zo ti bongbingo azo 10:18

Zo so ayeke zo ti sopo, li ti da ti lo ayeke ti; zo so ayeke sara kua na wokongo tere, li ti da ti lo ayeke yuru.

Ésaïe 5:5

Fadeso, mbi yeke fa na ala ye so mbi yeke sara na yaka ti vinye ti mbi ni: Mbi yeke zi gbagba so ayeke na tere ni si anyama aga ate akeke ti yaka ni kirikiri. Mbi yeke kungbi gbagba ni na sese si azo aga ado akeke ti vinye ni.

Ésaïe 5:6

Fade mbi yeke zia yaka ni aga ngonda; zo ti fango *aguruma ni ayeke daa pepe, zo ti sukulango gbe ni ayeke daa pepe; aki na asioni kamba ti aki ayeke suku amu ndö ni kue. Fade mbi yeke mu yanga na ambinda ti gbanzi ngu ti pika na ndö ti yaka ni.”

Jérémie 4:3

Tënë so KOTA GBIA atene na azo ti Juda na ti Jérusalem ayeke so: Ala fâ fini yaka ti ala, ala lu akobe na popo ti aki pepe!

Matthieu 13:22

Ambeni zo ayeke tongana sese so aki ayeke daa si ale ti kobe atuku daa: ala ma tënë ni, me gingo be ti ala na ndö ti aye ti sese so na nzara ti mosoro akanga ndö ti tënë ni si ale pepe.

Matthieu 13:7

Ambeni le ni atuku na popo ti apere ti ki; apere ni alondo si akanga ndö ti ala kue.

Ahebro 6:8

Me tongana sese ni asara titene aki na akeke ti ki asigigi, andaa sese ni so ayeke buba sese; fade Nzapa ayeke deba ni si na pekoni, a yeke gbi ni na wâ.