Amato 24:24 - Mbeti ti Nzapa - Tënë so amu fini

²⁴ Tongana mbeni wafango-ngbanga atene na zo so tënë ayeke na li ti lo, atene: “Tënë ayeke na li ti mo pepe”, azo ti kodro ayeke deba wafango-ngbanga ni; amara ayeke ke lo.

Amato 24:24 ပူးပေါင်းရင်းမြစ်များ

Amato 11:26

Zo so ayeke bongbi ale ti kobe ti bata ni batango, fade azo ti kodro ayeke deba lo. Me zo so ayeke ka ale ti kobe ni, azo ti kodro ayeke sara tufa na ndö ti lo.

Amato 17:15

Zo so amu mbeni zo so tënë ayeke na li ti lo tongana zo ti mbirimbiri, lo na zo so amu zo ti mbirimbiri tongana zo so tënë ayeke na li ti lo, ala use kue, be ti KOTA GBIA ake ala mingi.

Amato 28:27

Zo so ayeke mu ye na awayere, fade ye ayeke tia lo pepe; me zo so ayeke baa ndo na ala pepe, azo mingi ayeke deba lo.

Amato 30:10

“Mo tene mvene na iri ti mbeni zo ti kua na le ti wa ti lo pepe; tongaso pepe, fade lo yeke deba mo si tënë ni aga na li ti mo.

Ésaïe 5:20

Mawa na ala, azo so abaa ye ti sioni si ala tene ye ti nzoni laa! Ala baa ye ti nzoni si ala tene ye ti sioni laa. Ala mu vukongo ndo tongana vurungo ndo, ala mu vurungo ndo tongana vukongo ndo. Ala mu ye so asee sengo, tongana ye so anzere, ala mu ye so anzere nzerengo tongana ye so asee.

Ésaïe 5:23

Tongana a pete goro na ala, ala yeke zi zo so tënë ayeke na li ti lo, zo so tënë ayeke na li ti lo pepe, ala yeke ke titene a fâ ngbanga ti lo na legeni.

Ésaïe 66:24

Na sigingo ti ala, fade ala lingbi ti baa kuâ ti azo so atomboka na tere ti mbi. Angusu so ayeke te ala ayeke kui pepe; wâ so ayeke gbi ala ayeke mingo pepe. Ala yeke ga ye so ayeke sioni mingi ndali ti azo kue.

Ezekiel 13:22

Na lege ti mvene ti ala, awali ni, ala sara si be ti azo ti mbirimbiri awoko, ataa so mbi laa mbi zia vundu na be ti azo ti mbirimbiri ni pepe. Ala mu ngangu na be ti azo ti sioni si ala lingbi ti zia lege ti sioni ti ala pepe ti ngba na fini.