Amato 24:2 - Mbeti ti Nzapa - Tënë so amu fini

² Biani, ala yeke gbu li ti ala gi ti buba ndo; ala yeke tene gi tënë ti asioni ye so ala ye ti sara.

Amato 24:2 ပူးပေါင်းရင်းမြစ်များ

Mbeti ti Job 15:35

Zo so amu ngo ti ye ti sioni, fade lo yeke du ye ti vundu. Ye so lo leke na be ti lo, tongana asigigi awe, aga ye ti handango lo wani.

Abia (Psaumes) 10:7

Atënë ti yanga ti lo asi singo na tënë ti dengo ba, tënë ti mvene nga na tënë ti sarango ngangu na zo. Atënë ti yanga ti lo ayeke sara pasi na sioni na zo.

Abia (Psaumes) 140:2

*KOTA GBIA, zi mbi na maboko ti zo ti sarango sioni; bata mbi si zo ti sarango ngangu na azo asara ngangu na mbi pepe.

Abia (Psaumes) 28:3

Mo bongbi mbi na azo ti sioni pepe, wala na azo ti kirikiri pepe. Ala yeke tene tënë ti siriri na amba ti ala, me sioni ye ayeke na be ti ala.

Abia (Psaumes) 36:4

Tënë ti yanga ti lo kue gi mvene, tënë ti yanga ti lo gi ti handango zo; lo girisa lege ti ndara awe, lo girisa lege ti sarango nzoni ye awe.

Abia (Psaumes) 38:12

Azo so mbi na ala e ye tere na azo so mbi na ala e yeke fono lakue, ala ga nduru na mbi pepe ndali ti aka ti mbi; a-ita ti mbi aluti yongoro na tere ti mbi.

Abia (Psaumes) 7:14

Lo leke aye ti bira so ayeke fâ zo; lo leke ale ti kokora so lo zia wâ daa.

Amato 1:10

Molenge ti mbi, tongana asioni kamarade aye ti handa mo titene mo sara sioni, ayeke nzoni mo ke.

Amato 24:8

Zo so ayeke gbu li ti lo lakue ti sara sioni ye, a yeke iri lo “zo ti mayere”.

Amato 6:14

Gi atënë ti kirikiri laa ayeke na be ti lo; lo yeke gbu li ti lo lakue ti sara sioni ye; lo yeke bi tënë ti papa na popo ti azo.

Amato 6:18

be so ayeke gi lege ti sara asioni ye, gere so ayeke kpe hio ti sara sioni;

Ésaïe 30:12

Ndani laa Nzapa ti Israel, lo so lo yeke nde si lo yeke nzoni kue atene: “Ala ke tënë ti mbi awe, ala zia be ti ala gi na ndö ti azo so ayeke sara ngangu na ala si ayeke tene mvene na ala; azo ni so laa ala luti na ndö ti ala.

Ésaïe 59:4

Tënë so ala gue na ni na le ti ngbanga, ayeke na legeni pepe; ala yeke gbu koko ti azo na lege ti taa-tënë pepe. Ala yeke luti na ndö ti ye so ayeke ye oko pepe, ala yeke tene atënë ti mvene; ala yeke mu ngo ti ye ti sioni si ala yeke du ye ti kirikiri.

Jérémie 22:17

Me ti mo, mo yeke gi gi nzoni ti mo wani; nilaa azo so tënë ayeke na li ti ala pepe, mo ye gi ti tuku mene ti ala senge senge; mo ye gi ti sara ngangu na azo, ti sara ala na ngangu, na ngangu.”

Mishe 7:3

Maboko ti ala ayapu na sarango sioni ye. Titene amakonzi asara nzoni ye, ala yeke hunda titene a mu na ala ye si; awafango-ngbanga ayeke hunda goro. Akota zo ayeke tene gi tënë ti nzara ti warango aye so ahon ndö ti ala si ala kue ayeke ma tere ti sara gi aye ni so.

Awatokua 13:10

si lo tene na lo: “Mo, molenge ti Zabolo! Sioni zo ti mvene so! Be ti mo asi singo na asioni ye! Mo ke ye so kue ayeke nzoni! Lawa laa mo yeke zia ti buba ya ti ambirimbiri lege ti *Kota Gbia?

1 Samuel 23:9

David ama a tene, Saul aye ti sara sioni na lo si lo tene na wayango-sandaga Abiatar, lo tene: “Ga na efod si.”