Amato 24:16 - Mbeti ti Nzapa - Tënë so amu fini

¹⁶ Biani, zo ti mbirimbiri alingbi ti ti fani mbarambara, me fade lo yeke londo. Azo ti sioni ayeke ti ti ala biani biani na ya ti kpale.

Amato 24:16 ပူးပေါင်းရင်းမြစ်များ

Tongo nda ti aye 19:35

Na bi ni, ala kiri amu samba na babâ ti ala si lo nyon. Ngambe ni ague, alango na babâ ti lo. Babâ ni ahinga nga langongo so lo lango na tere ti lo so pepe; lo hinga nga londongo ti lo pepe.

Esther 7:10

Ala kanga go ti Haman na nduzu na tere ti keke so lo wani, lo leke ndali ti Mardochée. Na pekoni, ngonzo ti gbia ade.

Mbeti ti Job 5:19

Fani mingi aye ti ngangu ayeke si na mo, me lo yeke zi mo na ya ni; ti hunzi na ni, lo yeke sara si sioni akiri ti wara mo pepe.

Abia (Psaumes) 34:19

KOTA GBIA ayeke nduru na azo so be ti ala afâ, lo yeke soo ala so be ti ala awoko.

Abia (Psaumes) 34:21

KOTA GBIA ayeke bata lo nzoni si bio ti lo oko afâ pepe.

Abia (Psaumes) 37:24

Tongana zo ni aye ti ti, lo yeke ti pepe, ngbanga ti so KOTA GBIA agbu maboko ti lo.

Abia (Psaumes) 52:5

Mo ye ti mo sioni ye ahon nzoni ye; mo ye tënë ti mvene ahon taa-tënë. Luti kete

Abia (Psaumes) 7:16

Zo so azi du si lo zi ni ali mingi, lo wani, lo yeke ti na ya ni.

Abia (Psaumes) 79:12

Azo so ayeke nduru na e azonga mo; KOTA GBIA, kiri zonga ni taa na ala wani fani mbarambara!

Amato 13:17

Sioni zo ti tokua aga na kpale na ndö ti azo; me nzoni zo ti tokua asara si aye akiri aga nzoni.

Amato 13:21

Sioni ye ayeke tumba peko ti azo ti siokpari; ti azo ti mbirimbiri, gi nzoni ye laa ala yeke wara daa.

Amato 14:32

Zo ti sioni ayeke ti ndali ti sioni sarango ye ti lo; ti zo ti mbirimbiri, ataa lo gue ti kui, be ti lo awoko pepe.

Amato 24:22

Biani, ye ti ngangu alingbi ti ga na ndö ti ala gi hio tongaso. Zo wa laa ahinga kpale so KOTA GBIA na gbia ti kodro alingbi ti tokua na ndö ti ala?

Amato 6:15

Ndani laa, fade ye ti ngangu ayeke si na lo gi hio tongaso, a yeke buba dutingo ti lo gi hio tongaso, mbeni ye ti sara si lo kiri lo ga nzoni ayeke daa pepe.

Jérémie 18:17

Fade mbi yeke sara si azo ti mbi akangbi kirikiri na le ti awato ti ala tongana ti so pupu ti To ayeke mu ye ahon na ni kirikiri. Na lango so ye ayeke ga ngangu na ala, fade mbi yeke zia peko ti mbi na ala, mbi yeke baa ndo na mbage ti ala pepe.”

Jérémie 8:4

“Mo tene na ala, mo tene: tënë so *KOTA GBIA atene ayeke so: Tongana zo ati, lo yeke londo pepe? Tongana zo agirisa lege, lo yeke kiri na peko pepe?

Ezekiel 7:5

“Tënë so Kota Gbia NZAPA atene ayeke so: Kpale ayeke ga! Mbeni kpale ti lingbi na ni ayeke daa pepe!

Amos 5:2

Lo ti awe, Israel, maseka-wali so, lo yeke kiri ti londo pepe. Lo lango na sese na kodro ti lo wani, zo ti yo lo na nduzu ayeke daa pepe.

Amos 8:14

Azo so kue ayeke deba na iri ti sioni yanda ti Samarii, ala so kue ayeke deba, atene: ‘nzapa ti Dan ayeke na fini!’, ‘lege ti vorongo nzapa ti Bersheba ayeke daa.’ Fade azo so kue ayeke ti na sese, ala yeke kiri ti londo pepe.”

Wungo ti azo 32:23

Me tongana ala sara tongaso pepe, andaa ala sara siokpari ti ke KOTA GBIA; ala yeke wara ye ti peko ti siokpari ti ala ni.

Awatokua 12:23

Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.

1 Samuel 26:10

David atene: “KOTA GBIA ayeke na fini! KOTA GBIA wani laa ayeke fâ lo. Tongana lango ti kuâ ti lo alingbi, fade lo yeke kui, wala tongana lo gue na bira, fade lo yeke kui.

1 Samuel 31:4

Saul atene na zo so ayo aye ti bira ti lo, atene: “Gboto yongoro zeme ti mo, mo koro ya ti mbi, ngbanga ti so mbi ye pepe titene azo so ahinga Nzapa pepe so aga akoro ya ti mbi si ala he mbi.” Me zo so ayo aye ti bira ni ake, ngbanga ti so mbeto asara lo mingi. Nilaa Saul amu yongoro zeme ti lo azia si lo ti na yanga ni.