Amato 24:14 - Mbeti ti Nzapa - Tënë so amu fini

¹⁴ Me alingbi mo hinga nzoni so, fade ndara ayeke duti legeoko tongaso ndali ti mo! Tongana mo yeke na ni, fade ye ayeke ga nzoni ndali ti gigi ti mo ti kekereke si ye so mo zia be ti mo ti ku, mo yeke ku ni gbaa pepe.

Amato 24:14 ပူးပေါင်းရင်းမြစ်များ

Abia (Psaumes) 119:103

Atënë ti yanga ti mo anzere na yanga ti mbi mingi, anzere na yanga ti mbi ahon mafuta ti wotoro.

Abia (Psaumes) 119:111

Aye so mo hunda na mbi aga ye ti mbi biani biani; aye ni ayeke zia ngia na be ti mbi.

Amato 16:24

Anzerengo tënë ayeke tongana mafuta ti wotoro; anzere na yanga ti zo si ayeke sara titene zo aduti na nzoni tere.

Amato 2:10

Fade ndara ayeke li na ya ti be ti mo, hingango ye ayeke zia ngia na be ti mo.

Amato 22:18

Tongana mo bata aye ni so na be ti mo si mo yeke tene tënë ni lakue na azo, fade be ti mo ayeke nzere.

Amato 23:18

Biani, nzoni ye ayeke daa ndali ti gigi ti mo ti kekereke si ye so mo zia be ti mo ti ku, mo yeke ku ni gbaa pepe.

Jérémie 15:16

Gi so atënë ti mo asi na mbi, mbi mu ni si aga ye ti mbi; atënë ni amu ngia na mbi, azia ngia mingi na be ti mbi. Biani, a zia mbi nde ndali ti mo awe, KOTA GBIA Nzapa so ayeke na ndö ti dunia kue.

Matthieu 19:21

Jésus atene na lo: “Tongana mo ye ti ga nzoni kue, mo gue, mo ka ye so kue mo yeke na ni, mo mu nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Jacques 1:25

Me zo so agi nda ti ndia mbirimbiri, ndia so ayeke nzoni kue si ayeke zi zo na gbe ti ngbaa, zo ni azia be ti lo kue na ndö ni, lo ma tënë ni si tënë ni ahuru mê ti lo pepe, me lo yeke sara ye alingbi na ni, fade lo yeke baa nzoni na lege ti aye ti lo so lo yeke sara.