Amato 24:13 - Mbeti ti Nzapa - Tënë so amu fini

¹³ Molenge ti mbi, mo su mafuta ti wotoro, ngbanga ti so ayeke sara nzoni na mo; fade ayeke nzere na yanga ti mo.

Amato 24:13 ပူးပေါင်းရင်းမြစ်များ

Abia (Psaumes) 119:103

Atënë ti yanga ti mo anzere na yanga ti mbi mingi, anzere na yanga ti mbi ahon mafuta ti wotoro.

Abia (Psaumes) 19:10

Kpengo mbeto ti KOTA GBIA, mbeni ye ti nzoni ti hon so ayeke daa pepe; kpengo mbeto ti KOTA GBIA angba lakue lakue. Fango ngbanga ti KOTA GBIA ayeke taa-tënë, fango ngbanga ni kue ayeke mbirimbiri.

Amato 16:24

Anzerengo tënë ayeke tongana mafuta ti wotoro; anzere na yanga ti zo si ayeke sara titene zo aduti na nzoni tere.

Amato 25:16

Tongana mo wara mafuta ti wotoro, mo su ni alingbi na mo; tongana mo su ahon ndoni, fade mo yeke de ni kue.

Amato 25:27

Sungo mafuta ti wotoro gbani gbani ayeke nzoni pepe; gingo lege ti duti na gonda gbani gbani ayeke nga nzoni pepe.

Amato 27:7

Zo so ya ti lo asi awe, ataa mafuta ti wotoro, lo yeke ke ni; me zo so nzara asara lo, ataa kobe asee tongana nyen, kobe ni ayeke nzere na yanga ti lo.

B. ti abia 4:11

Mo so mo yeke ga wali ti mbi so, tongana mbi su yanga ti mo, mo baa mo tene mafuta ti wotoro ayeke daa, mafuta ti wotoro na ngu ti me ayeke na gbe ti menga ti mo. Fungo ti abongo ti mo ayeke nzoni tongana fungo ti gbako ti Liban.

B. ti abia 5:1

Ita ti mbi ti wali, mo so mo yeke ga wali ti mbi so, mbi yeke li na yaka ti mbi, mbi yeke ko *mire ti mbi nga na yombo ti mbi, mbi yeke te da ti wotoro ti mbi, mbi yeke su mafuta ti wotoro ti mbi; mbi yeke nyon vin ti mbi, na ngu ti me ti mbi. A-ita, ala te ye, ala nyon ye, ala sule ndali ti yengo tere.

Ésaïe 7:15

Kobe ti molenge ni ayeke duti ngu ti me nga na mafuta ti wotoro, ngbii lo hinga ti ke ye ti sioni na ti soro ye ti nzoni.

Matthieu 3:4

Jean ayu bongo so a sara ni na kua ti tere ti *zambala, lo kanga kamba ti poro ti nyama na ya ti lo, kobe ti lo ti tengo ni ayeke angadi na mafuta ti awotoro ti ngonda.

Awafango-ngbanga 14:9

Lo mu mbeni mafuta ni na maboko ti lo si lo yeke te ni na lege. So lo si na tere ti babâ na mama ti lo awe, lo mu mbeni na ala, ala te. So lo zi mafuta ti wotoro so na ya ti kuâ ti bamara so, lo tene nga tënë ni na babâ na mama ti lo pepe.

1 Samuel 14:27

Me Jonatan ahinga pepe atene, babâ ti lo adeba azo ni. Keke so ayeke na maboko ti lo, lo yoro yanga ni na ya ti mafuta ti wotoro ni si lo zia na yanga ti lo. Na pekoni, lo kiri lo wara ngangu.