Amato 23:9 - Mbeti ti Nzapa - Tënë so amu fini

⁹ Tene tënë na zo ti buba pepe: fade lo yeke baa hingango ndo ti mo tongana senge senge ye.

Amato 23:9 ပူးပေါင်းရင်းမြစ်များ

Amato 1:7

Kpengo mbeto ti KOTA GBIA ayeke tongo nda ti hingango ye. Gi azo ti buba laa abaa ndara na anzoni wango na le ti ala tongana mbumbuse ye.

Amato 14:7

Kpe yongoro na tere ti zo ti buba, ngbanga ti so mbeni nzoni ye titene lo fa na mo ayeke daa pepe.

Ésaïe 36:21

Azo ni kue azi yanga oko pepe; zo oko akiri tënë pepe, ngbanga ti so yanga so gbia amu fade ayeke so: “Fade ala kiri tënë na lo pepe.”

Matthieu 7:6

“Ye so a zia ni nde ndali ti Nzapa, ala bi ni na ambo pepe, ngbanga ti fade ambo ni ayeke kiri na tere ti ala ti te ala. Ala tuku alenge ti ala na anguru pepe, ngbanga ti fade anguru ni ayeke do ni na gere ti ala.”

Nzoni Tënë so Luc asu na mbeti 16:14

*Afarizien so aye nginza mingi so, ama tënë so kue si ala yeke he Jésus na ngia.

Jean 10:20

Ambeni zo mingi na popo ti ala atene: “Sioni yingo ayeke na ya ti lo! Li ti lo aga kirikiri awe! Ala yeke ma lo ngbanga ti nyen?”

Jean 8:52

Azuife akiri tënë na lo, atene: “Fadeso e hinga biani so, mo yeke na sioni yingo na ya ti mo! Abraham akui, awayanga-Nzapa nga akui, me ti mo, mo tene: ‘Zo so asara ye alingbi na atënë ti mo, fade lo yeke kui laoko pepe.’

Jean 9:40

Ambeni *farizien so ayeke kâ ama tënë so Jésus atene so si ala hunda lo, atene: “E nga, e yeke awaziba?”

Awatokua 17:18

Ambeni wafango-ye so ayeke a-epikurien na astoisien ato nda ti tene tënë na lo. Ambeni atene: “Tënë ti nyen laa sakpa-tënë so ayeke tene so?” Ambeni atene: “Lo kpa zo ti fango tënë ti anzapa nde.” Ala tene tongaso, ngbanga ti so Paul ayeke tene tënë ti Jésus na tënë ti zingongo ti akuâ.

Awatokua 17:32

So azo ni ama tënë so Paul atene na ndö ti zingongo ti akuâ, ambeni ahe lo na ngia si ambeni atene: “Mbeni lâ si e yeke kiri ti ma mo na ndö ti tënë so!”