Amato 23:32 - Mbeti ti Nzapa - Tënë so amu fini

³² Me na ndani, ayeke te mo tongana ngbo si ayeke kpo mo tongana sioni ngbo.

Amato 23:32 ပူးပေါင်းရင်းမြစ်များ

Mbeti ti Job 20:16

Ye so lani lo su so, andaa sioni ngu ti yanga ti ngbo laa; fade sioni ngu ni ayeke fâ lo.

Abia (Psaumes) 91:13

Mo yeke tambula na ndö ti bamara nga na ndö ti sioni ngbo, mo yeke do sioni nyama nga na angbo na gbe ti gere ti mo.

Sigingo 7:12

Zo oko oko abi keke ti lo na sese si keke ni aga ngbo. Me keke ti Aaron amene akeke ti ala kue.

Amato 20:1

Vin asara si zo aga zo ti hengo ndo; samba ayeke pusu zo ti sara wusuwusu. Zo so samba ayeke sara lo, lo lingbi ti ga zo ti ndara pepe.

Amato 5:11

Na ndani, fade mo yeke dema tongana ngangu ahunzi na ya ti tere ti mo kue.

Zo ti bongbingo azo 10:8

Zo so azi du, gbaa lo wani, lo yeke ti na ya ni; zo so akungbi gbagba na sese, gbaa ngbo ayeke te lo.

Ésaïe 11:8

Molenge so angba ti nyon me ayeke sara ngia na yanga ti du ti ngbo; kete molenge ayeke yoro maboko ti lo na ya ti du ti longo.

Ésaïe 28:3

Gbata so ayeke tongana kpoto ti gbia si azo ti Efraim, angbaa ti samba so ayeke pika kate ti ala ndali ni, fade a yeke do ni na gbe ti gere.

Ésaïe 59:5

Sarango ye ti ala ayeke sioni tongana para ti sioni ngbo: tongana zo ate para ni, lo yeke kui; tongana a fâ ya ni, sioni ngbo laa ayeke sigigi daa. Akamba so ala yeke leke akpa akamba so mbeni tere aleke ti sara na gbanda ti lo; zo alingbi ti sara ni na bongo pepe, wala ti yu ni pepe. Akamba ni ayeke ga gi na kpale. Kua ti ala ayeke ti sara ngangu na zo.

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Jérémie 8:17

“Mbi yeke ga! Mbi yeke tokua na tere ti ala asioni ngbo; azo ti handango angbo alingbi ti handa angbo ni pepe; fade angbo ni ayeke te ala; so tënë ti yanga ti KOTA GBIA laa.”

Amos 5:19

Lango ni ayeke duti tongana lango ti mbeni zo so akpe bamara si lo gue, lo tengbi na ze; na pekoni, zo ni asi na da ti lo, lo zia maboko ti lo na tere ti dere ti da si ngbo ate lo.

Amos 9:3

Tongana ala gue, ahonde tere ti ala na li ti hoto ti Karmel, mbi yeke gue ti gi ala si mbi yeke gboto ala kâ. Tongana ala linda na gbe ti kota ngu-ingo titene le ti mbi abaa ala pepe, mbi yeke tokua sioni ngbo ti gue ti te ala kâ.

Rome 6:21

Aye so ando ala yeke sara so, nzoni ye ti nyen laa ala wara daa? Fadeso aye ni asara ala kamene, ngbanga ti so ye ti peko ni ayeke gi kuâ!

Efeze 5:18

Ala nyon samba ahon ndö ti ala pepe: nyongo samba ahon ndoni ayeke buba gigi ti ala; me ala zia lege na Yingo-Vuru ti si ala singo.