Amato 23:30 - Mbeti ti Nzapa - Tënë so amu fini

³⁰ Gi azo so ayeke mu ka ngoi ti ala mingi ti duti na tere ti samba; azo so ayeke gue lakue ti gi angangu samba ti nyon.

Amato 23:30 ပူးပေါင်းရင်းမြစ်များ

Tongo nda ti aye 9:21

Lo nyon vin ti yaka ni; vin ni asara lo si lo lango na gbe ti da ti lo bongo, tere ti lo senge.

Abia (Psaumes) 75:8

ngbanga ti so Nzapa laa ayeke fâ ngbanga: lo yeke zia zo na kete ndo, lo yeke zia mbeni na kota ndo.”

Amato 20:1

Vin asara si zo aga zo ti hengo ndo; samba ayeke pusu zo ti sara wusuwusu. Zo so samba ayeke sara lo, lo lingbi ti ga zo ti ndara pepe.

Amato 23:20

Azo so ayeke nyon samba ahon ndoni, wala ala so ayeke te nyama ahon ndoni, mo duti na popo ti ala pepe.

Amato 9:2

Lo fâ anyama ti sara na matanga, lo sara pendere vin, lo zia akobe kue na ndö ti meza.

Ésaïe 28:7

Ndali ti vin so asara ala, ataa awayango-sandaga na awayanga-Nzapa agirisa lege. Ndali ti ngangu samba, ala yeke tambula kirikiri. Samba asara si ala girisa lege. Ndali ti vin, li ti ala aga kirikiri, tongana ala baa ye na ya ti mbeni ye tongana bango-li, ala yeke girisa lege, ala hinga li ti ala na ngbanga so ala yeke fâ pepe.

Ésaïe 5:11

Mawa na ala, azo so alondo na kota ndaperere ti mu loro na peko ti angangu samba! Ti londo na ndaperere ngbii asi na lakui, samba ni angba ti sara ala.

Amos 6:6

Ala yeke nyon vin na ya ti akota kopo, ala yeke sara mafuta so afun nzoni na tere ti ala, me be ti ala ayeke so oko pepe ndali ti ye ti ngangu so ayeke si na azo ti mara ti Joseph.

Efeze 5:18

Ala nyon samba ahon ndö ti ala pepe: nyongo samba ahon ndoni ayeke buba gigi ti ala; me ala zia lege na Yingo-Vuru ti si ala singo.

1 Samuel 25:36

Abigail akiri na tere ti Nabal. Andaa na da kâ, Nabal asara matanga tongana matanga ti gbia. Tere ti Nabal anzere mingi si lo nyon samba ahon ndö ti lo. Abigail atene tënë oko na lo pepe ngbii asi na kota ndaperere.