Amato 23:22 - Mbeti ti Nzapa - Tënë so amu fini

²² Mo ma babâ ti mo; lo laa lo du mo. Ataa mama ti mo aga mbakoro, mo baa lo tongana mbumbuse zo pepe.

Amato 23:22 ပူးပေါင်းရင်းမြစ်များ

Amato 1:8

Molenge ti mbi, mo ma wango ti babâ ti mo; aye so mama ti mo ayeke fa na mo, mo bi na peko ti mê ti mo pepe.

Amato 15:20

Molenge ti ndara ayeke mu ngia na babâ ti lo; me zo ti buba abaa mama ti lo tongana mbumbuse zo.

Amato 30:11

“Ambeni zo ayeke daa so ayeke deba babâ ti ala si ala yeke tene nzoni tënë na ndö ti mama ti ala pepe.

Amato 30:17

Zo so ahe babâ ti lo si lo ke ti ma yanga ti mama ti lo, fade *akpakpo ti tere ti ngu ayeke koro le ti lo si *angoalo ayeke te lo.

Amato 6:20

Molenge ti mbi, mo bata andia ti babâ ti mo; aye so mama ti mo ayeke fa na mo, mo bi na peko ti mê ti mo pepe.

Awayango-sandaga 19:3

“Alingbi zo oko oko akpe mbeto ti babâ ti lo na mama ti lo. Alingbi zo oko oko abata *lango ti wungo tere. Mbi laa mbi yeke KOTA GBIA, Nzapa ti ala.

Awayango-sandaga 19:32

“Alingbi ala londo na nduzu na dawa ti mbeni zo so kua ti li ti lo avuru. Alingbi ala ne mbakoro; tongaso laa ala yeke fa atene, ala yeke kpe mbeto ti mbi Nzapa ti ala laa. Mbi laa mbi yeke KOTA GBIA.

Marc 7:10

Biani, Moïse atene: ‘Mo ne babâ na mama ti mo!’ Lo kiri lo tene: ‘Zo so atene sioni tënë na tere ti babâ ti lo wala mama ti lo, lo lingbi na kuâ.’

Ndia ti fani use ni 27:16

‘Deba aga na ndö ti zo so abaa babâ na mama ti lo tongana ambumbuse zo!’ Fade azo kue ayeke kiri tënë, atene: ‘Amen!’