Amato 23:13 - Mbeti ti Nzapa - Tënë so amu fini

¹³ Mbeto ti pika molenge ti mo asara mo pepe. Tongana mo pika lo na zaza, fade lo yeke kui pepe.

Amato 23:13 ပူးပေါင်းရင်းမြစ်များ

Amato 13:24

Zo so ake ti pika molenge ti lo na zaza, andaa lo ye molenge ni pepe; me zo so aye molenge ti lo, lo yeke so ngbonda ti molenge ni hio.

Amato 19:18

So ngoi angba titene mo mu maboko na molenge ti mo, ayeke nzoni mo pika lo na zaza. Me ngonzo ague na mo ngbii titene mo fâ lo pepe.

Amato 22:15

Kua ti amolenge ayeke sarango aye ti buba. Me tongana a pika ngbonda ti ala, fade ala yeke zia lege ni.

Amato 23:12

Gbu li ti mo nzoni na ndö ti aye so a gboto mê ti mo daa; dingi mê ti mo, mo ma atënë ti hingango ye.

Amato 29:15

Pikango molenge na sukungo na lo asara si lo duti na ndara; me molenge so azia lo gi senge tongaso, lo yeke zia kamene na le ti mama ti lo.

Amato 29:17

Mo pika molenge ti mo na zaza si fade mo wara lege ti duti kpoo; lo yeke sara ande titene be ti mo asi singo na ngia.

Ahebro 12:7

Ala kanga be ti ala na ya ti apasi so ayeke si na ala: Nzapa ayeke pika ala tongana pika so babâ ayeke pika molenge ti lo ti kiri na lo na nzoni lege. Molenge wa laa babâ ti lo ayeke pika lo ti kiri na lo na nzoni lege pepe?