Amato 22:6 - Mbeti ti Nzapa - Tënë so amu fini

⁶ Na ngoi so molenge angba kete, mo fa nzoni lege na lo; ataa lo ga mbakoro, fade lo yeke zia lege ni pepe.

Amato 22:6 ပူးပေါင်းရင်းမြစ်များ

Tongo nda ti aye 18:19

Mbi soro lo titene lo mu yanga na amolenge ti lo, na *ahale ti lo so kue ayeke ga na peko ti lo titene ala ma yanga ti KOTA GBIA; ala sara ye so ayeke mbirimbiri, na ye so ayeke na legeni. Tongaso si mbi KOTA GBIA, mbi yeke sara ande na Abraham aye so kue mbi tene tënë ti sarango ni ndali ti lo.”

Efeze 6:4

Ala ababâ na amama, ala sara ye ti zia ngonzo na be ti amolenge ti ala pepe. Me ala bata amolenge ni nzoni, ala fa lege na ala si ala mu na ala wango so alingbi na tënë ti *Kota Gbia.

Ndia ti fani use ni 11:19

Fade ala yeke fa ni na amolenge ti ala. Ala yeke tene tënë ni na amolenge ni na ndembe so ala duti na yanga ti da ti ala nga na ndembe so ala yeke tambula na lege, na ndembe so ala gue ti lango nga na ndembe so ala zingo na lango.

Ndia ti fani use ni 4:9

Moïse atene: Ye oko, alingbi ala azo ti Israel, ala sara hange, le ti ala akpengba! Ye so ala wani abaa na le ti ala, alingbi be ti ala agirisa na ni pepe. Ala bata ni na be ti ala na lango ti fini ti ala kue; ala fa tënë ni na amolenge ti ala nga na amolenge ti amolenge ti ala.

Ndia ti fani use ni 6:7

Mo yeke fa ni na amolenge ti mo; mo yeke tene tënë ni na ndembe so mo duti na da ti mo nga na ndembe so mo yeke tambula na lege, na ndembe so mo gue ti lango nga na ndembe so mo zingo na lango.

2 Timothée 3:15

Ti londo na ndembe so mo de kete molenge ngbii asi fadeso, mo hinga Mbeti ti Nzapa; mbeti ni alingbi ti mu na mo ndara. Ndara ni ayeke fa na mo lege titene mo soo kuâ na lege so mo ma na be na Jésus Christ.

Awafango-ngbanga 13:12

Manoa atene na lo: “Tongana tënë so mo tene so asi, nyen laa e lingbi ti sara ndali ti molenge ni, nyen? Ndia ti nyen laa e lingbi ti bata ndali ti lo?”

1 Samuel 1:28

Fadeso, mbi nga, mbi ye ti mu lo na KOTA GBIA; mbi mu lo na KOTA GBIA titene lo ga zo ti KOTA GBIA na lango ti fini ti lo kue.” Na pekoni, Elkana na asewa ti lo akuku, akpo li ti ala na sese na gbe ti KOTA GBIA.

1 Samuel 2:26

Me kete Samuel angba ti kono, lo ga nzoni na le ti KOTA GBIA nga na le ti azo.