Amato 22:4 - Mbeti ti Nzapa - Tënë so amu fini

⁴ Zo so asara tere ti lo kete, andaa lo kpe mbeto ti KOTA GBIA; ye so lo yeke wara na pekoni ayeke mosoro, azo ayeke ne lo si gigi ti lo ague, ayo.

Amato 22:4 ပူးပေါင်းရင်းမြစ်များ

Amato 19:23

Kpengo mbeto ti KOTA GBIA asara si zo aduti na fini; zo so asara ni, fini ti lo ayeke si singo na anzoni ye si sioni ye oko ayeke si na lo pepe.

Amato 21:20

Na da ti zo ti ndara, gba ti anzoni ye na apendere kobe ayeke daa; me zo ti buba abuba ti lo aye ni kue.

Amato 21:21

Zo so ayeke gi lege ti sara ye ti mbirimbiri nga na nzoni be, fade gigi ti lo ague, ayo; azo ayeke sara ye na lo na lege ti mbirimbiri si ala yeke ne lo.

Amato 22:3

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

Amato 22:5

Aki na akuku ayeke na lege ti zo ti sarango ye ti kirikiri; zo so aye ti bata fini ti lo, ayeke nzoni lo kpe lege ti aye ni.

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

Amato 3:16

Na mbage, ndara ayeke mu na zo fini so ayo; na mbeni mbage, lo yeke mu nga na lo mosoro na gonda.

Amato 31:30

Pendere ayeke handa zo; pendere ti tere ayeke ninga pepe. Gi wali so akpe mbeto ti KOTA GBIA, wali so alingbi titene azo agonda lo laa.

Ésaïe 33:6

Ti ala azo ti KOTA GBIA, na ya ti fini ti ala, mbeni ye ti sioni alingbi ti si na ala pepe. Dutingo na ndara na hingango Nzapa ayeke nzoni ye so ayeke soo ala; kpengo mbeto ti KOTA GBIA, so mosoro ti ala laa!

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

1 Timothée 4:8

Tarango tere na lege ti angia ti wanguru ayeke sara nzoni na zo gi kete; me gbungo tënë ti Nzapa ngangu ayeke sara nzoni na zo na ya ti aye kue. Biani, ndali ti zo so, zendo ti duti na fini laso nga na ngoi so ayeke ga gbanda ayeke daa.

Jacques 4:10

Ala sara tere ti ala kete na gbe ti *Kota Gbia si fade lo yeke mu ala na nduzu.

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”