Amato 22:23 - Mbeti ti Nzapa - Tënë so amu fini

²³ Biani, fade KOTA GBIA ayeke gbu koko ti ala; azo so azi aye ti awayere na ti azo ti mawa ni so, fade KOTA GBIA ayeke zi fini ti ala.

Amato 22:23 ပူးပေါင်းရင်းမြစ်များ

Abia (Psaumes) 103:6

KOTA GBIA ayeke fâ ngbanga mbirimbiri, azo so amba ti ala asara ngangu na ala, lo yeke fâ ngbanga ti ala na legeni.

Abia (Psaumes) 12:5

na ala so ayeke tene: “Ndali ti kpengbango yanga ti e, fade e yeke hon ndö ti azo kue; ndali ti tënë ti yanga ti e, mbeto ti mbeni zo ayeke sara e pepe.”

Abia (Psaumes) 12:6

KOTA GBIA atene: “Ndali ti so a sara ngangu na azo so ye atia ala si azo ti mawa ayeke toto mingi, mbi yeke londo fadeso ti ga. Mbi yeke ga ti zi ala na ya ti aye ti ngangu, ala so azo abaa ala tongana mbumbuse ye so.”

Abia (Psaumes) 140:12

Alingbi azo ti sioni yanga angba na sese so pepe; fade sioni ayeke tumba hio hio peko ti zo ti sarango ngangu na azo!

Abia (Psaumes) 140:13

Mbi hinga so KOTA GBIA ayeke fâ ngbanga ti zo ti mawa mbirimbiri, lo yeke fâ ngbanga ti azo so ye atia ala na legeni.

Abia (Psaumes) 35:1

Bia ti David. *KOTA GBIA, bi tënë na li ti azo so ayeke bi tënë na li ti mbi; tiri na azo so ayeke tiri na mbi.

Abia (Psaumes) 35:10

Na be ti mbi kue, fade mbi yeke tene: “KOTA GBIA, zo wa laa alingbi na mo, zo wa? Mo yeke zi zo ti mawa na maboko ti zo so ayeke na ngangu ahon lo; mo yeke zi zo ti mawa nga na wayere na maboko ti azo so ayeke nzi ala.”

Abia (Psaumes) 43:1

Nzapa, mo fâ ngbanga ti mbi, mo gbu koko ti mbi ti kanga lege na azo so ake mo. Mo zi mbi na maboko ti azo ti handango zo nga na maboko ti azo ti fango zo.

Abia (Psaumes) 68:5

Ala azo, ala he bia na Nzapa, ala he bia ti gonda na iri ti lo! Ala leke lege ndali ti lo so lo yeke hon na ndö ti ambinda tongana zo ti kpengo na mbarata. Iri ti lo ayeke *KOTA GBIA, ala dodo na ngia na le ti lo!

Sigingo 22:22

Tongana ala sara sioni na wali-mua ni nga na molenge ni si ala dekongo na mbi ti mu maboko na ala, fade mbi yeke ma ala.

Sigingo 22:23

Fade ngonzo ti mbi ayeke londo tongana wâ si mbi yeke fâ azo ti sioni ni na lege ti bira. Tongaso, fade awali ti ala ayeke ga awali-mua si amolenge ti ala ayeke ga anyindu.

Amato 21:7

Ye ti ngangu so azo ti sioni ayeke sara asara si fini ti ala agirisa, ngbanga ti so ala ke ti sara ye alingbi na tënë ti ndia.

Amato 23:11

Biani, wagbungo-koko ti ala ayeke ngangu: fade lo yeke mu mbage ti ala na le ti ngbanga ti bi tënë na li ti mo.

Ésaïe 33:1

Mawa na mo, mo so mo yeke buba ye si ade a buba mo pepe so! Mawa na mo, mo so mo yeke ka azo si ade ti ka mo pepe so! Tongana mo buba aye kue awe, fade a yeke buba nga mo. Tongana mo ka azo kue awe, fade a yeke ka nga mo.

Jérémie 30:16

Me azo so kue ate mo, fade a yeke te ala; azo so kue be ti ala ake mo, fade a yeke gbu ala ti gue na ala na kodro wande; azo so anzi aye ti mo, fade a yeke nzi aye ti ala; azo so kue agbu aye ti mo, fade a yeke gbu aye ti ala.

Jérémie 50:34

Me wagbungo-koko ti ala ayeke ngangu; iri ti lo ayeke ‘KOTA GBIA so ayeke na ndö ti dunia kue’. Fade lo yeke gbu koko ti ala ngangu ti sara si sese ni awara siriri si azo ti Babilone ado na mbeto.”

Jérémie 51:36

Tënë so *KOTA GBIA atene ndali ti Jérusalem ayeke so: “Mbi yeke mu tënë ti mo na maboko si azo so asara sioni na mo so, mbi yeke kiri na peko ti sioni ni na ala. Mbi yeke sara titene kota *bale ti lo ahole si ali ti ngu ti lo ahole kue.

Mishe 7:9

Ayeke nzoni mbi kanga be ti mbi na ngonzo ti KOTA GBIA, ngbanga ti so mbi sara siokpari ti ke ti lo. Me mbeni lango ayeke ga so fade lo yeke mu tënë ti mbi na maboko ti lo, lo yeke sara si fango ngbanga ti mbi aduti na legeni. Lo yeke zi mbi na ya ti vukongo ndo ti zia mbi na ya ti lumiere si fade mbi yeke baa aye ti lo so lo sara ni na lege ti mbirimbiri.

Habakuk 2:8

So mo nzi aye ti amara mingi so, fade tanga ti azo so angba so ayeke nzi aye ti mo, ndali ti so mo tuku mene ti azo, mo sara ye ti ngangu na kodro ti azo ni, na gbata ti ala nga na azo ti gbata ni.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

1 Samuel 24:12

Babâ gbia, baa ye! Baa yanga ti kota bongo ti mo laa ayeke na maboko ti mbi so! So mbi fâ yanga ti kota bongo ti mo si mbi fâ mo pepe so, ayeke nzoni mo hinga, mo tene, be ti mbi ayeke sioni na tere ti mo pepe, wala be ti mbi ake mo pepe si mbi sara nga sioni ti ke mo pepe. Mo laa mo yeke tumba peko ti mbi ti fâ mbi.

1 Samuel 24:15

Gbia ti Israel ague ti tiri bira na zo wa? Mo yeke tumba peko ti zo wa? Mo yeke tumba peko ti kuâ ti mbo, mo yeke tumba peko ti buba mandere!

1 Samuel 25:39

David ama a tene, Nabal akui si lo tene: “Mbi mu singila mingi na *KOTA GBIA so agbu koko ti mbi ndali ti zonga so Nabal azonga na mbi so. Mbi mu singila na KOTA GBIA so akanga lege na mbi, zo ti kua ti lo si mbi sara sioni oko pepe so. KOTA GBIA asara si sioni ti Nabal akiri na li ti lo wani.” Na pekoni, David atokua azo na Abigail ti tene na lo, tongana lo yeda, ni mu lo ti ga wali ti ni.