Amato 22:18 - Mbeti ti Nzapa - Tënë so amu fini

¹⁸ Tongana mo bata aye ni so na be ti mo si mo yeke tene tënë ni lakue na azo, fade be ti mo ayeke nzere.

Amato 22:18 ပူးပေါင်းရင်းမြစ်များ

Abia (Psaumes) 119:103

Atënë ti yanga ti mo anzere na yanga ti mbi mingi, anzere na yanga ti mbi ahon mafuta ti wotoro.

Abia (Psaumes) 119:111

Aye so mo hunda na mbi aga ye ti mbi biani biani; aye ni ayeke zia ngia na be ti mbi.

Abia (Psaumes) 119:13

Mbi diko na yanga ti mbi atënë ti ngbanga so kue mo fâ.

Abia (Psaumes) 119:162

Tere ti mbi anzere ndali ti atënë ti yanga ti mo tongana ti zo so agbu ye na peko ti bira.

Abia (Psaumes) 119:171

Ayeke nzoni yanga ti mbi atene tënë ti sepelango mo, ngbanga ti so mo yeke fa na mbi ambela ti mo!

Abia (Psaumes) 19:10

Kpengo mbeto ti KOTA GBIA, mbeni ye ti nzoni ti hon so ayeke daa pepe; kpengo mbeto ti KOTA GBIA angba lakue lakue. Fango ngbanga ti KOTA GBIA ayeke taa-tënë, fango ngbanga ni kue ayeke mbirimbiri.

Amato 10:13

Atënë ti ndara asigigi na yanga ti zo so ahinga ye; me ti zo so li ti lo ayeke daa pepe, lo lingbi gi na pika.

Amato 10:21

Atënë ti zo ti mbirimbiri ayeke sara nzoni na gba ti azo; me azo ti buba ayeke kui, ngbanga ti so li ti ala ayeke daa pepe.

Amato 15:7

Atënë ti zo ti ndara ayeke mu lege na zo ti hinga ye; me gbungo-li ti zo ti buba ayeke mbeni ye nde!

Amato 16:21

Zo so ayeke gbu li ti lo na ndara, lo yeke zo ti hingango ye. Zo so atene anzerengo tënë na mba ti lo, fade mba ti lo ni ayeke yeda na lo.

Amato 2:10

Fade ndara ayeke li na ya ti be ti mo, hingango ye ayeke zia ngia na be ti mo.

Amato 22:19

Mbi ye titene mo zia be ti mo na ndö ti KOTA GBIA. Ndani laa, mo nga, mbi yeke fa aye ni so na mo laso.

Amato 25:11

Tënë so zo atene si alingbi taa na ngoi ni ayeke tongana aye ti pendere so a sara na lôro si a zia alimo so a sara na wen ti nginza daa.

Amato 3:17

Alege so lo yeke gue na zo daa anzere mingi; sioni ye oko ayeke si na zo na alege ni so pepe.

Amato 4:20

Molenge ti mbi, mo ma tënë ti mbi, dingi mê ti mo, mo ma atënë so mbi yeke tene na mo.

Amato 4:21

Mo girisa ni pepe; mo bata ni na ya ti be ti mo.

Amato 8:6

Ala ma mbi si, mbi yeke na mbeni kota tënë ti tene na ala; mbi yeke tene tënë so polele.

Jérémie 15:16

Gi so atënë ti mo asi na mbi, mbi mu ni si aga ye ti mbi; atënë ni amu ngia na mbi, azia ngia mingi na be ti mbi. Biani, a zia mbi nde ndali ti mo awe, KOTA GBIA Nzapa so ayeke na ndö ti dunia kue.

Malashii 2:7

Biani, kua ti wayango-sandaga ayeke ti fa lege na azo si ala hinga Nzapa. Azo ayeke ga na mbage ti lo ti gi ti hinga ye so ndia afa, ngbanga ti so lo yeke watokua ti KOTA GBIA so ayeke na ndö ti dunia kue.

Jean 7:38

Zo so ama na be na mbi, ‘fade ngu so ayeke mu fini na zo ayeke londo na be ti lo ti sua’, tongana ti so Mbeti ti Nzapa afa tënë ni.”

Ahebro 13:15

Alingbi e ngba ti mu sandaga na Nzapa lakue na lege ti Jésus, sandaga ni ayeke gondango so e yeke gonda iri ti lo na anzoni tënë ti yanga ti e.