Amato 22:17 - Mbeti ti Nzapa - Tënë so amu fini

¹⁷ Dingi mê ti mo, mo ma tënë ti azo ti ndara; gbu li ti mo mbirimbiri na ndö ti ye so mbi hinga si mbi yeke fa na mo.

Amato 22:17 ပူးပေါင်းရင်းမြစ်များ

Abia (Psaumes) 78:1

Bia ti Asaf. Bia ti fango ye na zo. Azo ti mbi, ala ma fango ye ti mbi, ala zi mê ti ala, ala ma atënë ti yanga ti mbi.

Abia (Psaumes) 90:12

Tongaso, fa na e lege ti diko alango ti e si fade be ti e asi singo na ndara.

Amato 1:3

Ala yeke fa na zo lege ti nzoni hingango ndo, lege ti sarango ye ti mbirimbiri, ti kpengo ndia nga na ti sarango ye na legeni.

Amato 23:12

Gbu li ti mo nzoni na ndö ti aye so a gboto mê ti mo daa; dingi mê ti mo, mo ma atënë ti hingango ye.

Amato 24:23

Ambeni tënë so azo ti ndara akiri atene ayeke so: Mungo mbage ti zo na le ti ngbanga ayeke nzoni pepe.

Amato 3:1

Molenge ti mbi, aye so mbi fa na mo, mo girisa ni pepe; bata atënë ti ndia ti mbi na ya ti be ti mo.

Zo ti bongbingo azo 12:11

Atënë ti azo ti ndara ayeke tongana keke so yanga ni ayo yongo ti kpongo na bagara ti sara si lo tambula. Azo so abongbi atënë ni na mbeti, ala yeke tongana pondi so a pika na ya ti keke si alinda ngangu. So matabisi ti Nzapa laa, lo oko so lo yeke bata azo tongana ataba ti lo.

Zo ti bongbingo azo 7:25

Tongaso mbi zia be ti mbi kue ti hinga ye, ti gi nda ti ye, ti gi ndara, ti gbu li ti mbi na legeni. Mbi hinga so dutingo sioni zo wala zo so li ti lo ayeke daa pepe ayeke ye ti buba.

Zo ti bongbingo azo 8:16

Mbi zia be ti mbi ti gi ti hinga nda ti ndara, ti baa ye so azo ayeke sara na ndö ti sese so. Mbi baa so, ataa zo ake ti lango na bi nga na kota lâ,

Zo ti bongbingo azo 8:9

Aye so kue so, mbi baa ni, mbi gbu li ti mbi na ndö ti aye so kue azo ayeke sara na ndö ti sese so. Mbeni ngoi ayeke daa so zo ayeke na komandema na ndö ti mba ti lo ti sara sioni na lo.

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Matthieu 17:5

So lo ngba ti tene tënë ni, mbeni mbinda so aza zango aga amu ndö ti ala kue. Mbeni go alondo na ya ti mbinda ni, atene: “So ayeke Molenge ti mbi so mbi ye lo mingi, be ti mbi anzere na lo mingi. Ala ma yanga ti lo!”