Amato 22:15 - Mbeti ti Nzapa - Tënë so amu fini

¹⁵ Kua ti amolenge ayeke sarango aye ti buba. Me tongana a pika ngbonda ti ala, fade ala yeke zia lege ni.

Amato 22:15 ပူးပေါင်းရင်းမြစ်များ

Mbeti ti Job 14:4

Zo wa laa alingbi ti sara si ye so ayeke *nzoni asigigi na ya ti ye so ayeke *sioni? Zo oko pepe!

Abia (Psaumes) 51:5

Mbi hinga so mbi buba lege ti ndia ti mo awe; siokpari ti mbi ayeke lakue na le ti mbi.

Amato 13:24

Zo so ake ti pika molenge ti lo na zaza, andaa lo ye molenge ni pepe; me zo so aye molenge ti lo, lo yeke so ngbonda ti molenge ni hio.

Amato 19:18

So ngoi angba titene mo mu maboko na molenge ti mo, ayeke nzoni mo pika lo na zaza. Me ngonzo ague na mo ngbii titene mo fâ lo pepe.

Amato 20:30

Tongana a pika zo si lo wara ka, ka ni alingbi ti ga tongana yoro ti kaingo na sioni ti lo; pikango zo alingbi nga ti *sukula ya ti be ti lo.

Amato 29:15

Pikango molenge na sukungo na lo asara si lo duti na ndara; me molenge so azia lo gi senge tongaso, lo yeke zia kamene na le ti mama ti lo.

Amato 29:17

Mo pika molenge ti mo na zaza si fade mo wara lege ti duti kpoo; lo yeke sara ande titene be ti mo asi singo na ngia.

Jean 3:6

Zo ayeke du gi zo, Yingo ayeke du gi yingo.

Efeze 2:3

E nga kue, e yeke ando tongana ala: e yeke sara aye na lege ti asioni nzara ti be ti e, e yeke sara ye so be ti e aye na ye so anzere na be ti e. E nga, ngonzo ti Nzapa alingbi ti ti na li ti e tongana tanga ti azo kue ndali ti so a du e zo.