Amato 22:1 - Mbeti ti Nzapa - Tënë so amu fini

¹ Titene iri ti zo awu nzoni, so laa ayeke nzoni ahon titene lo duti na gba ti mosoro. Titene azo aye lo, so laa ayeke nzoni ahon titene lo duti na wen ti nginza na lôro.

Amato 22:1 ပူးပေါင်းရင်းမြစ်များ

1 Agbia 1:47

Azo ti yangbo ti gbia aga ti gonda gbia ti e David, ala tene: ‘Ayeke nzoni Nzapa ti mo amu iri ti Salomon na nduzu ahon ti mo! Ayeke nzoni lo sara titene azo agonda lengo-gbia ti lo ahon ti mo!’ Na pekoni, gbia akuku akpo li ti lo na ndö ti gbogbo ti lo

Amato 10:7

Zo ti mbirimbiri, be ti azo ayeke girisa na lo pepe; me ti zo ti sioni, be ti azo ayeke girisa na lo biani biani.

Zo ti bongbingo azo 7:1

Titene iri ti zo awu nzoni, so ayeke nzoni ahon yombo ti ngangu ngere; lango ti kuâ ti zo ayeke nzoni ahon lango ti dungo lo.

Nzoni Tënë so Luc asu na mbeti 10:20

Ayeke nzoni tere ti ala anzere ndali ti so asioni yingo ama yanga ti ala pepe; me tere ti ala anzere, ngbanga ti so a su iri ti ala awe na ya ti mbeti na yayu.”

Awatokua 7:10

Nzapa azi lo na ya ti aye ti ngangu so kue asi na lo. So Joseph asi na gbe ti Faraon, gbia ti Ezipte, Nzapa amu na lo ndara si lo sara titene gbia ni abaa lo na nzoni le. Tongaso gbia ni azia Joseph ti sara komandema na ndö ti Ezipte nga na ndö ti aye ti da ti lo kue.

Filipe 4:3

Ti mo, so mo yeke taa mba ti mbi zo ti kua, mbi hunda na mo titene mo mu maboko na awali use so, ngbanga ti so ala sara kua ngangu na tere ti mbi ti fa Nzoni Tënë na azo, ala na Clément nga na ambeni mba ti mbi, azo ti kua so kue iri ti ala ayeke na ya ti mbeti so a su iri ti azo so ayeke na taa fini daa.

Ahebro 11:39

Nzapa atene nzoni tënë ti ala kue ndali ti mabe ti ala; me anzoni ye so Nzapa amu zendo ni, ala wara ni pepe.