Amato 21:8 - Mbeti ti Nzapa - Tënë so amu fini

⁸ Zo so tënë ayeke na li ti lo, lege ti lo ayeke gue kirikiri; me zo so tënë ayeke na li ti lo pepe, sarango ye ti lo ayeke na legeni.

Amato 21:8 ပူးပေါင်းရင်းမြစ်များ

Tongo nda ti aye 6:12

Nzapa abaa ndo na ndö ti sese; lo baa so sese ni abuba awe, ngbanga ti so azo kue abuba lege ti dutingo ti ala na ndö ti sese ni awe.

Amato 15:26

Be ti KOTA GBIA ake mingi tënë ti sioni pialo; me atënë so zo atene na nzoni be, sioni ye oko ayeke daa pepe.

Amato 2:15

Lege ti sarango ye ti ala ayeke kirikiri si lege so ala mu aba bango.

Amato 21:9

Ti lango na gigi na gbe ti mbeni gbefa ayeke nzoni ahon ti lango na ya ti da oko na wali so aye tënë ti papa mingi.

Amato 30:12

“Ambeni zo ayeke daa so ayeke baa tere ti ala tongana azo ti vurungo be, ataa so ade a *sukula sioni ti ala pepe.

Zo ti bongbingo azo 7:29

Gi ye oko so mbi baa ayeke so: Nzapa asara azo kue na legeni; me ala wani laa aga na gba ti akpale na ndö ti ala.

Zo ti bongbingo azo 9:3

Na ndö ti sese so, mbeni sioni ye ayeke so: gi oko ye ayeke si na azo kue. Ndani laa be ti azo asi singo na aye ti sioni. So ala de na fini, ala sara ye tongana azo ti buba. Me na ndani, ala yeke gue na ndo ti akuâ.

Ésaïe 26:7

*KOTA GBIA, zo ti mbirimbiri, lege ti lo ayeke mbirimbiri; mo yeke sara si lege ti zo ti mbirimbiri aba pepe.

Ésaïe 59:8

Ala hinga lege ti dutingo na siriri pepe; na ndö ti lege so ala hon daa, sarango ye ti mbirimbiri ayeke daa pepe. Ala sara si alege ti ala aba bango, zo so kue atambula na ndö ti lege ni, lo yeke duti na siriri pepe.

Daniel 12:10

Fade a yeke *sukula sioni ti azo mingi, ala yeke vuru si ala ga *nzoni. Azo ti sioni so ahinga nda ti ye pepe ayeke ngba ti sara asioni ye. Me azo so le ti ala ahan laa ayeke hinga nda ti ye so ayeke si.

Matthieu 12:33

“Tongana mbeni keke ayeke nzoni, fade lengo ni ayeke nzoni. Tongana keke ni abuba, fade lengo ni nga abuba. Biani, a yeke hinga keke gi na lege ti alengo ti lo.

Matthieu 5:8

Ti ala nzoni, ala so ayeke na vuru be, ngbanga ti so ala yeke baa ande Nzapa!

Awatokua 15:9

Na le ti lo, e na ala kue, e yeke gi oko. Lo sukula be ti ala, ngbanga ti so ala ma na be.

1 Korente 3:3

ngbanga ti so ala ngba lakue ti sara ye gi tongana ti azo ti dunia so. So tënë ti kota be na papa angba na popo ti ala so, so afa atene, ala yeke sara ye gi na lege ti azo ti dunia so pepe? Ala yeke sara ye gi tongana ti azo kue pepe?

Tite 1:15

Ye kue ayeke *nzoni ndali ti azo so be ti ala avuru. Me ti azo so ayeke *sioni si ala ke ti ma na be, mbeni *nzoni ye oko ndali ti ala ayeke daa pepe. Hingango ndo ti ala nga na be ti ala kue aga *sioni awe.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

Tite 3:5

lo soo e na kuâ. Mbeni ye ti nzoni so e wani, e sara na lege ti mbirimbiri ti e titene lo soo e ndali ni ayeke daa pepe, me lo soo e, ngbanga ti so lo baa mawa ti e. Lo soo e, lo sukula e na lege ti Yingo-Vuru so asara si e ga fini zo si e wara fini kode ti dutingo ni.

1 Jean 2:29

Ala hinga atene, Christ ayeke mbirimbiri. Tongaso, alingbi ala hinga nga atene, zo so asara ye ti mbirimbiri, lo yeke molenge ti Nzapa.

1 Jean 3:3

Zo so kue azia be ti lo ti ku ye so na maboko ti Christ, lo yeke sara titene lo ga *nzoni tongana ti so Christ ayeke *nzoni.