Amato 21:7 - Mbeti ti Nzapa - Tënë so amu fini

⁷ Ye ti ngangu so azo ti sioni ayeke sara asara si fini ti ala agirisa, ngbanga ti so ala ke ti sara ye alingbi na tënë ti ndia.

Amato 21:7 ပူးပေါင်းရင်းမြစ်များ

Abia (Psaumes) 7:16

Zo so azi du si lo zi ni ali mingi, lo wani, lo yeke ti na ya ni.

Abia (Psaumes) 9:16

Azo ti mara nde ati na ya ti du so ala wani azi; kuku so ala leke na hondengo ni, kuku ni akiri agbu gere ti ala wani.

Amato 10:6

Tufa ayeke ga na ndö ti zo ti mbirimbiri; me atënë ti zo ti sioni ahonde aye ti sarango ngangu na zo.

Amato 21:21

Zo so ayeke gi lege ti sara ye ti mbirimbiri nga na nzoni be, fade gigi ti lo ague, ayo; azo ayeke sara ye na lo na lege ti mbirimbiri si ala yeke ne lo.

Jérémie 7:15

Mbi yeke tumba ala yongoro na le ti mbi tongana ti so mbi tumba a-ita ti ala, azo ti mara ti Efraim so.”

Ezekiel 18:18

Me babâ ni laa asara ngangu na azo, lo nzi ye ti ita ti lo, lo sara ye so ayeke nzoni pepe na azo ti kodro ti lo. Fade lo laa lo yeke kui ndali ti sioni ti lo wani.

Amos 5:7

Ala sara si sarango ye na lege ti ndia aga tongana sioni yoro ti fango zo, ala yeke do na sese fango ngbanga ti mbirimbiri.

Efeze 5:6

Ala zia mbeni zo ahanda ala na asenge senge tënë pepe. Asioni ye tongaso asara si ngonzo ti Nzapa ayeke ga na ndö ti azo so ake yanga ti lo.