Amato 21:4 - Mbeti ti Nzapa - Tënë so amu fini

⁴ Le so abaa zo tongana mbumbuse ye nga na kate so asuku na baba, aye so afa polele na gigi siokpari ti zo.

Amato 21:4 ပူးပေါင်းရင်းမြစ်များ

Mbeti ti Job 18:5

Biani, fade lamba ti zo ti sioni ayeke mingo, wâ so ayeke na ya ti duke ti lo ayeke kiri ti za pepe.

Mbeti ti Job 18:6

Ya ti da ti lo ayeke gue ti vuko, lamba ayeke mingo na ndö ti lo.

Abia (Psaumes) 10:4

Na lege ti baba ti lo, zo ti sioni ayeke hunda tere ti lo pepe. Ti be ti lo, lo tene: “Nzapa ayeke daa lawa!”

Abia (Psaumes) 101:5

Zo ti tenengo mvene na iri ti amba ti lo na hondengo ni, fade mbi yeke kanga yanga ti lo. Zo so abaa amba ti lo tongana mbumbuse ye si baba ahon ndö ti lo, mbi lingbi ti kanga be ti mbi na lo pepe.

Abia (Psaumes) 131:1

A yeke he bia so na ndembe ti guengo ni na Jérusalem. Bia ti David. *KOTA GBIA, mbi yeke zo ti baba pepe, mbi ye gi kota ndo pepe. Mbi yeke kpe na peko ti akota ye pepe, wala aye so ahon ngangu ti mbi pepe.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Amato 21:27

Sandaga ti azo ti sioni ayeke ye ti sioni mingi. Sandaga so ayeke sioni ahon ndoni ayeke ti so ala mu na sioni be.

Amato 24:20

Mbeni nzoni ye ndali ti gigi ti ala ti kekereke ayeke daa pepe; fini ti ala ayeke tongana lamba so ayeke mingo.

Amato 30:13

“Ambeni zo ayeke daa so baba ahon ndö ti ala si ala yeke baa amba ti ala tongana ambumbuse ye.

Amato 6:16

Aye omene ayeke daa so KOTA GBIA ake ni; mbarambara ni ayeke nga daa so ayeke sioni mingi na le ti lo:

Amato 6:17

le so abaa ndo na baba, yanga so ayeke tene mvene, maboko so ayeke tuku mene ti azo so tënë ayeke na li ti ala pepe;

Amato 8:13

Kpengo mbeto ti KOTA GBIA ayeke ti ke sioni ye. Baba, pikango kate, asioni sarango ye na atënë ti mvene, mbi ke ni.

Ésaïe 10:12

Tongana KOTA GBIA ahunzi ande akua ti lo kue na li ti hoto ti *Sion nga na Jérusalem awe, fade lo yeke ga na tere ti gbia ti Asirii ndali ti kuru baba ti lo nga ndali ti bango azo tongana mbumbuse ye.

Ésaïe 2:11

Fade kamene ayeke gbu le ti zo ti baba, a yeke zia zo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 2:17

Fade kamene ayeke gbu azo ti baba; a yeke kiri na azo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 3:16

*KOTA GBIA atene: “Awali ti *Sion, so fango tere na ala! Ala yeke bi go ti ala si ala yeke tambula, le ti ala ayeke za ti handa na akoli. Ala yeke tambula ze ze si alenge so ala kanga na gere ti ala ayeke toto.”

Nzoni Tënë so Luc asu na mbeti 11:34

Le ti mo ayeke tongana lamba ti tere ti mo. Tongana le ti mo ayeke nzoni, tere ti mo kue ayeke na ya ti vurungo ndo. Me tongana le ti mo abuba, tere ti mo kue ayeke na ya ti vukongo ndo.

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

Rome 14:23

Me zo so ayeke dekite na be ti lo ndali ti kobe so lo yeke te, Nzapa afâ ngbanga na li ti lo awe, ndali ti so sarango ye ti lo ayeke na lege ti mabe pepe. Biani, ye so kue zo asara na lege ti mabe pepe ayeke siokpari.

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”