Amato 21:31 - Mbeti ti Nzapa - Tënë so amu fini

³¹ A yeke leke ambarata ti ku na lango ti bira; me KOTA GBIA oko laa ayeke sara si zo aso benda.

Amato 21:31 ပူးပေါင်းရင်းမြစ်များ

2 Samuel 23:12

Me Shama aluti ti lo na ya ti yaka ni, lo mu ni si lo fâ azo ti Filistii. KOTA GBIA asara si azo ti Israel aso benda.

Abia (Psaumes) 144:10

Mo laa mo sara si agbia aso benda; mo laa mo zi David, zo ti kua ti mo, na yanga ti sioni yongoro zeme.

Abia (Psaumes) 147:10

Lo baa ngangu ti mbarata tongana senge ye, ngangu ti zo ti kpengo loro anzere na be ti lo pepe.

Abia (Psaumes) 20:7

Fadeso mbi hinga awe: KOTA GBIA ayeke mu ngangu na zo so lo tuku mafuta na li ti lo ti zia lo gbia. Kâ na yayu, nzoni ndo ti lo, lo kiri tënë na gbia; na lege ti ngangu ti lo, lo sara akota ye ti soo lo.

Abia (Psaumes) 20:8

Ambeni zo azia be ti ala na ndö ti apusu ti mbarata, ambeni azia be ti ala na ndö ti ambarata. Ti e, e zia be ti e na ndö ti iri ti KOTA GBIA, Nzapa ti e, lo laa e yeke voro lo.

Abia (Psaumes) 3:3

Azo so ayeke tene tënë na iri ti mbi, ala yeke mingi; ala tene: “Nzapa ayeke soo lo na kuâ lawa!” Luti kete

Abia (Psaumes) 3:8

KOTA GBIA, londo! Nzapa ti mbi, soo mbi! Biani, mo pika ngbangba ti awato ti mbi kue, mo kungbi pembe ti azo ti sioni.

Abia (Psaumes) 68:20

Na ya ti lango oko oko, e mu singila na Kota Gbia! Lo laa lo mu e ti bata e, Nzapa so ayeke soo e na kuâ. Luti kete

Zo ti bongbingo azo 9:11

Mbi kiri mbi baa ambeni ye na ndö ti sese so. Azo so ayeke kpe loro mingi, ala yeke so benda lakue pepe; akpengba zo ayeke kinda amba ti ala na bira lakue pepe. Azo ti ndara ayeke wara kobe ti tengo ni lakue pepe; azo ti hingango ndo ayeke wara mosoro lakue pepe; azo so ahinga ye mingi laa, azo ayeke gonda ala lakue pepe. Azo so kue so, mbeni lâ ala lingbi ti duti nzoni, mbeni lâ ye ti vundu alingbi ti si na ala.

Ésaïe 31:1

Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

Jérémie 3:23

Biani, azo ahanda e na li ti akete hoto kâ; gi awusuwusu laa azo ayeke sara na li ti ahoto kâ. Biani, gi na lege ti KOTA GBIA, Nzapa ti e si Israel ayeke soo kuâ.

1 Korente 15:57

Me e mu singila na Nzapa so ayeke sara titene, na lege ti Kota Gbia ti e Jésus Christ, e so benda!