Amato 21:3 - Mbeti ti Nzapa - Tënë so amu fini

³ Sarango ye ti mbirimbiri na sarango ye na legeni anzere na KOTA GBIA ahon mungo *sandaga.

Amato 21:3 ပူးပေါင်းရင်းမြစ်များ

Abia (Psaumes) 40:7

*Sandaga wala mbeni ye so zo amu na mo, so laa mo ye pepe. Mo mu na mbi mê ti mango na ndo. Sandaga so a gbi ni kue na wâ, wala sandaga so a mu ndali ti siokpari, so laa mo hunda pepe.

Abia (Psaumes) 50:8

Asandaga so ala yeke mu na mbi so, ndali ni laa mbi bi tënë na li ti ala pepe; asandaga so a yeke gbi ni kue na wâ so, ala ngba ti mu ni lakue na mbi.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Osée 6:6

Biani, ye so anzere na be ti mbi ayeke yengo mbi, me mbi ke tënë ti *sandaga ti anyama. Mbi ye hingango Nzapa ahon sandaga so a yeke gbi ni kue na wâ.”

Zakarii 7:9

Tënë so KOTA GBIA so ayeke na ndö ti dunia kue atene ayeke so: “Ala fâ ngbanga ti azo na lege ti taa-tënë; ala ye tere na popo ti ala si zo oko oko asara nzoni be na mba ti lo.

Marc 12:33

Ayeke nzoni zo aye Nzapa na be ti lo kue, na ndara ti lo kue nga na ngangu ti lo kue. Ayeke nzoni lo ye nga mba ti lo zo tongana ti so lo ye tere ti lo wani. So laa ayeke nzoni ahon asandaga ti anyama so a yeke gbi ni kue na wâ, wala asandaga nde nde so azo ayeke mu na Nzapa.”

1 Samuel 15:22

Samuel akiri atene: “Asandaga so a yeke gbi ni kue na wâ nga na ambeni sandaga anzere na be ti KOTA GBIA ahon mango yanga ti lo? Mango yanga ayeke nzoni mingi ahon asandaga; mango tënë ayeke nga nzoni mingi ahon anyama ti mafuta.