Amato 21:25 - Mbeti ti Nzapa - Tënë so amu fini

²⁵ Nzara ti aye nde nde ayeke fâ zo ti sopo, ngbanga ti so lo ye ti sara kua pepe.

Amato 21:25 ပူးပေါင်းရင်းမြစ်များ

Amato 13:4

Zo ti sopo asara nzara ti ye, me lo yeke wara ni pepe; me azo so ayeke gbu kua ngangu, ala yeke wara aye gbani gbani.

Amato 12:24

Zo so maboko ti lo agbu kua ngangu, fade lo yeke sara komandema; me zo ti sopo ayeke ga ngbaa.

Matthieu 25:26

Makonzi ni akiri tënë na lo: ‘Sioni zo ti kua, mo yeke zo ti sopo! Mo hinga, mo tene, mbi yeke ko ale ti kobe na ndo so mbi lu kobe daa pepe si mbi yeke bongbi ale ti kobe na ndo so mbi tuku ale ti kobe daa pepe.

Amato 26:16

Zo ti sopo abaa tere ti lo wani tongana zo ti ndara; lo baa ti lo atene, lo hon azo mbarambara so ahinga ndo si ala lingbi ti kiri tënë na legeni.

Amato 19:24

Zo ti sopo ayeke yoro maboko ti lo na ya ti sembe ti kobe, me lo yeke kiri na maboko ni na yanga ti lo pepe.

Amato 15:19

Lege ti zo ti sopo asi singo na akeke ti ki; me lege ti azo ti mbirimbiri, a de ni nzoni.

Amato 12:27

Zo ti sopo ayeke wara nyama ti zongo ni pepe; me zo so agbu kua ngangu, so ayeke nzoni ye mingi ndali ti lo.

Amato 20:4

Na ngoi ti fango yaka, zo ti sopo aye ti fâ yaka pepe; na ngoi ti fango ale ti kobe, lo yeke gue ti gi kobe, me lo yeke wara ye oko pepe.

Amato 26:13

Zo ti sopo atene: “Sioni nyama ayeke na lege! Bamara aluti na be ti lege!”

Amato 22:13

Zo ti sopo atene: “Bamara ayeke na gigi! Fade lo yeke fâ mbi taa na be ti lege!”

Josué 7:3

Ala kiri atene na Josué: “Ayeke nzoni mo tokua aturugu kue na Ai pepe. Aturugu nduru na saki use wala saki ota alingbi awe. Zia aturugu kue ague senge senge pepe, ngbanga ti so azo ti Ai ni ayeke mingi pepe.”