Amato 21:20 - Mbeti ti Nzapa - Tënë so amu fini

²⁰ Na da ti zo ti ndara, gba ti anzoni ye na apendere kobe ayeke daa; me zo ti buba abuba ti lo aye ni kue.

Amato 21:20 ပူးပေါင်းရင်းမြစ်များ

Mbeti ti Job 20:15

Amosoro so lani lo gbu na ngangu si lo mene so, fade lo yeke de ni. Nzapa ayeke sara si amosoro ni alondo na ya ti lo asigigi.

Mbeti ti Job 20:18

Ye so lo wara na peko ti kua ti lo, lo yeke kiri na ni na azo, lo yeke te ni pepe. Ye so lo wara na peko ti dengo buze ti lo, lo yeke sara ye oko na ni pepe.

Abia (Psaumes) 112:3

Mosoro na anzoni ye ayeke duti na da ti zo ni si sarango ye ti lo ti mbirimbiri ayeke ngba kpu na kpu.

Abia (Psaumes) 23:5

Mo leke kobe ti matanga ndali ti mbi si mbi duti ti te ni na le ti awato ti mbi. Mo tuku yombo na li ti mbi ti yamba na mbi, kopo ti mbi asi ahon ndoni.

Amato 10:22

Tufa ti KOTA GBIA laa ayeke sara si zo awara mosoro; ngangu so zo asara azia ye oko daa pepe.

Amato 14:24

Mosoro ayeke nzoni ye so azo ti ndara ayeke wara; me ye ti buba ti azo ti buba ayeke gi ye ti buba.

Amato 15:6

Ya ti da ti zo ti mbirimbiri asi singo na mosoro; me aye so zo ti sioni awara aga na akpale na ndö ti lo.

Amato 22:4

Zo so asara tere ti lo kete, andaa lo kpe mbeto ti KOTA GBIA; ye so lo yeke wara na pekoni ayeke mosoro, azo ayeke ne lo si gigi ti lo ague, ayo.

Amato 8:21

Kâ, mbi yeke sara si azo so aye mbi awara anzoni ye; mbi yeke sara si da ti ala asi singo na mosoro.

Zo ti bongbingo azo 10:19

Titene akota zo asara ngia, ala yeke te pendere kobe. Vin asara si tere ti ala anzere; nginza ayeke mu ye kue na ala.

Zo ti bongbingo azo 5:19

Me tongana Nzapa angba ti zia ngia na be ti zo ni, zo ni ayeke gbu li ti lo mingi na ndö ti fini ti lo pepe.

Zo ti bongbingo azo 7:11

Ndara ayeke nzoni alingbi na ye so zo awara na peko ti kuâ ti mbeni sewa. Ndara ayeke sara nzoni na azo so ayeke na fini.

Jérémie 41:8

Me azo baleoko na popo ti ala atene na Ismael: “Mo fâ e pepe. E yeke na kobe so e honde na yaka: ble, orze, mafuta na mafuta ti wotoro.” Nilaa Ismael azia ti fâ ala, ala na a-ita ti ala ni.

Matthieu 25:8

Ala so ayeke azo ti buba atene na ala ti ndara, atene: ‘Ala tuku na e mbeni mafuta ti ala kete, ngbanga ti so alamba ti e ayeke mingo.’

Nzoni Tënë so Luc asu na mbeti 15:14

So lo buba nginza ti lo ni kue awe, kota nzara ati na ya ti kodro ni si ye oko angba na lo pepe.

Nzoni Tënë so Luc asu na mbeti 16:1

Na pekoni, Jésus atene na adisiple ti lo: “Mbeni zo ti mosoro ayeke na ndombe so lo zia lo na ndö ti aye ti lo. Azo aga atene na lo atene, ndombe ti lo ni ayeke buba aye ti lo.

Nzoni Tënë so Luc asu na mbeti 6:45

Nzoni zo ayeke sigigi na anzoni ye so ayeke na be ti lo; me sioni zo ayeke sigigi na asioni ye so ayeke na be ti lo. Biani, ye so asi be ti zo laa ayeke sigigi na lege ti tënë ti yanga ti lo.”