Amato 21:2 - Mbeti ti Nzapa - Tënë so amu fini

² Zo oko oko ayeke baa na le ti lo atene, aye so kue ni yeke sara ayeke na legeni; me KOTA GBIA laa ayeke baa atënë ti be ti zo.

Amato 21:2 ပူးပေါင်းရင်းမြစ်များ

Mbeti ti Job 31:6

Ayeke nzoni Nzapa azia mbi na ndö ti kilo so ayeke mbirimbiri; fade lo yeke hinga lo tene, tënë ayeke na li ti mbi pepe.

Abia (Psaumes) 36:2

Mbi dabe ti mbi na tënë ti yanga ti zo ti sioni; ti lo, Nzapa ayeke zo wa si lo kpe mbeto ti lo.

Amato 12:15

Sarango ye ti zo ti buba ayeke lakue nzoni na le ti lo wani; me zo so ayeke ma wango ayeke zo ti ndara.

Amato 16:2

Zo oko oko ayeke baa na le ti lo atene, aye so kue ni yeke sara ayeke nzoni; me KOTA GBIA laa ayeke baa atënë ti be ti zo.

Amato 16:25

Mbeni zo alingbi ti baa atene, lege ti sarango ye ti ni ayeke mbirimbiri, andaa lege ni ayeke gue na kuâ.

Amato 17:3

A yeke tara lôro nga na wen ti nginza na ya ti wâ; me KOTA GBIA laa ayeke tara be ti zo.

Amato 20:6

Azo mingi ayeke gonda tere ti ala atene, ani yeke nzoni; me zo wa laa alingbi ti wara zo so lo lingbi ti zia be ti lo na ndö ti lo?

Amato 24:12

Mo lingbi ti tene: “Mbi hinga fade pepe!” Me lo so abaa atënë ti be ti zo, lo yeke hinga ni senge. Lo yeke baa mo, lo hinga ye kue; fade lo yeke futa zo oko oko alingbi na ye so lo sara!

Amato 30:12

“Ambeni zo ayeke daa so ayeke baa tere ti ala tongana azo ti vurungo be, ataa so ade a *sukula sioni ti ala pepe.

Jérémie 17:10

“Mbi, KOTA GBIA, mbi yeke baa be ti zo na atënë ti be ti zo kue. Tongaso, mbi lingbi ti sara ye na zo alingbi na dutingo ti lo nga na asarango ye ti lo.

Daniel 5:27

TEKEL aye ti tene a baa nengo ni awe: a zia mo na ndö ti kilo ti baa nengo ti mo, me mo ne pepe;

Nzoni Tënë so Luc asu na mbeti 16:15

Lo tene na ala: “Ala yeke fa na le ti azo atene, ala yeke azo ti mbirimbiri, me Nzapa ahinga be ti ala kue. Ye so ayeke kota ye na le ti azo, ayeke sioni mingi na le ti Nzapa.

Galasii 6:3

Zo so ayeke gi senge zo si lo yeke baa tere ti lo tongana kota zo, andaa lo yeke handa tere ti lo wani!

Jacques 1:22

Ala handa tere ti ala pepe: ala ma tënë ti Nzapa gi na mê pepe, me ala sara ye alingbi na ni.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

1 Samuel 16:7

Me KOTA GBIA atene na Samuel: “Mo baa pendere ti lo wala yongo ti lo pepe. Mbi ke lo awe. Bango ndo ti mbi ayeke tongana bango ndo ti azo pepe. Azo ayeke baa ti ala gi ye so ayeke pika le ti ala; me mbi yeke baa ti mbi be ti zo.”